/41/
XXXVII.
Simone, prevosto di Vezzolano, per la chiesa di Santa Maria di Crea dà a coltura a Gerardo e Giacomo Colombo, fratelli, di Viverona, la tenuta di Rufino del Bosco (6 gennaio 1231).
Fonti. — A. Orig., diviso superiormente per alfabeto dal controrig. ora mancante, in Arch. Camer., l. cit.
(S.T.) Anno domini Jncarnacione millesimo ducentesimo xxxj. indicione quarta die vi intrante ianuarii in clostro sancte marie de crea. dominus Simon prepositus ecclesie sancte marie de uezolano consensu domini prioris de crea et presbiteri iacobi et otonis et rolandi canonici nomine ecclesie sancte marie de crea. inuestiuit in rectam tenuturam girardum et iacobum columbos fratres de uiuarona de tota tenutura que olim tenebat rufinus de nemore. tali modo ut predicti girardus et iacobus suique heredes habeant et teneant et possideant deinde dictam tenuturam cum accessionibus et gressionibus et uniuersis suis pertinenciis in integrum et faciant exinde quicquid uoluerint nomine recte tenuture sine contradicione dicti prepositi et subdictorum et successorum suorum una cum sua suorumque successorum defensione ab omni homine cum racione. red[d]endo dicte ecclesie sancte marie de crea tercium de minuto et grosso et medietatem uini puri quod exierit de predicta tenutura latum in dicta ecclesia suis propriis expensis. /42/ Jtem supradictus prepositus consensu supradictorum dedit et concessit dictis girardo et iacobo fratribus de predicta tenutura tria staria terre pro orto pro quo orto dicti fratres promiserunt dare dicte ecclesie solidos ii papiensium annuatim in festituitate sancti Stefani nomine ficti dando ei prandium et pro hac inuestitura dictus prepositus fuit confessus se nomine conzamenti recepisse a girardo et iacobo libras quatuor papiensium exceptioni non numerate pecunie et omni alii exceptioni renunciando. Jtem girardus et iacobus fecerunt fidelitatem dicto preposito et iurauerunt dare tercium et uini quod exierit dicte tenuture in integrum ut supra legitur dicte ecclesie bona fide omni anno et inde obligauerunt ei omnia eorum bona nomine pignoris et inde duo in strumenta uno tenore fieri preceperunt. Jnterfuerunt testes rogati petrus et albertus de fornelio et petrus de la tor.
Et ego conradus notarius interfui et scripsi.