/58/
LII.
Benedetto, abate del monastero di Grazzano, accensa a Manfredo Crotti di Casorzo terre ivi (7 gennaio 1253 [o 1280]).
Fonti. — A. Orig., guasto in più parti, in Arch. Econ. beneff. vacc., in Tor., Ab. Grazz., mazzo VI.
Osservaz. — L’indizione viii non concorda coll’anno 1253, nè la domenica col 7 gennaio. Durante il secolo xiii l’ind. viii e il 7 gennaio di domenica si riscontrano insieme solo nel 1235 e nel 1280, al qual ultimo anno è probabile appartenga il presente documento.
(S.T.) Anno natiuitatis domini Millesimo cc. liij. Jndicione viij die dominico vij mensis Januarii Testes Guillelmus balasterius. Minzonus et Johannes aruca. omnes predicti de grazano. Quorum presentia Dominus benedictus dei gratia abbas monasterii de grazano voluntate ac consensu fratrum suorum silicet fratris Guillelmi mornii. fratris nicolini prioris de felizano et magistri cararie Concessit nomine recte ac perpetue teneture Manfredo de crotis de casurcio pro se et suis heredibus medietatem duarum peciarum terre. prima quarum est modia decem et octo et plus et Jacet in territorio casurcii Jbi ubi dicitur Jn castro arso cui coheret Guillelmus pica de casurcio. via et heredes done Alaxie de casurcio. Secunda Jacet in eodem territorio ibi ubi dicitur ad maciam et est modium unum cui coheret henricus cazulius et heredes bezane Siue ibi alie sint coerentie predictis terris pertinentibus Qui Manfredus per se et suos heredes promisit et per stipulationem conuenit predicto domino Abbati suo et dicti monasterii nomine predictas terras bene laborare colere ac seminare suis propriis expensis prout est consuetudo terrarum Et promisit etiam dare ac red[d]ere predicto domino Abbati et successoribus eius nomine quo supra annuatim tercium de toto hoc quod dicta terra portauerit Tam de grosso quam de minuto. Dando et recidendo dictum tercium Jn campo siue in couis uel in grano et hoc sit ad uoluntatem dicti domini Abbatis /59/ et successorum eius Jta quod possit accipere dictum tercium prout voluerit siue in campo sine in grano et hoc promisit predictus Manfredus eidem domino Abbati et successoribus eius predicto nomine atendere et obseruare Simnl cum omnibus expensis dampnis Guiderdonis et Jnteresse que et quas dictus dominus Abbas uel aliquis pro ipso faceret incurreret uel sustineret eundo redeundo uel stando in Judicio [uel extra Pro qua concessione] dictus dominus Abbas fuit confessus se recepisse et Imbuisse ad comodum et utilitatem dicti monasterii a predicto Manfredo solidos. l. nomine conzamenti Renunciando exceptioni non recepte et non numerate dicte pecunie et omni alii exceptioni et Juri. Et pro predictis omnibus attendendis et obseruandis una pars alteri vicissim inter sese omnia eorum bona pignori et ipse dominus Abbas omnia bona dicti monasterii pignori obligauerunt. Renunciando dictus dominus Abbas omni ecclesiastico privilegio decreto nouo et ueteri et omni alii Juri et ipse Manfredus renunciauit omni legum auxilio et capitul(l)o et omni us(s)ui et consuetudini de qua uel de quibus se tueri posset. Que omnia superius nominata dictus dominus Abbas fecit eidem Manfredo salua racione omnium aliarum personarum Jta ipse dominus Abbas dictum Manfredum cum vno bacullo quem tenebat in manibus Jnuestiuit Et inde duo instrumenta vnius tenoris ambe partes fieri preceperunt. Actum in castro grazani. Et Ego dalfinus de bellaretro notarius sacri palacii hanc cartam abreuiaui et scripSj.