/86/
LXXVIII.
Il signor Bartolomeo di Pocapaglia, abate del monastero di Grazzano, dà a fitto a Giacomello di Gabiano terreni in Tilio (4 marzo 1304).
Fonti. — A. orig. in Arch. Econ. beneff. vacc., in Tor., Ab. Grazzano, m. VI.
(S.T.) Anno domini Millesimo CCC. quarto Jndicione secunda die iiij. intrante marcio actum in grazano presentibus petro de valle et domino paglucio de pauchapalea testibus ad hec vocatis et rogatis Quorum presencia dominus bertalomeus de pauchapalea dei gratia abbas monasterii de grazano de vno suo baculo quem in sua manu tenebat dedit et Jnuestiuit Jacomellum de gabiano ad fictum de pecia. j. terre iuris dicti monasterii et est per mensuram staria. ij. et Jacet in posse tilii. vbi dicitur ad pontuclum coheret via et castrum tilii. Eo modo quod dictus Jacomellus de cetero habeat teneat dictam peciam terre et possideat et faciat per se suosque heredes quicquid facere voluerit in perpetuum nomine recte teneture sine contradicione predicti domini abbatis et suorum successorum que terra predictus dominus abbas promixit dicto Jacomello et suis heredibus defendere et disbrigare ab omni persona et personis cum racione. et inde dictus dominus abbas obligauit eidem Jacomello omnia bona predicti monasterii et membrorum pignori Jtem hoc autem est pactum inter eos quod predictus Jacomellus nec suos heredes nec eius dependentibus (sic) non possint nec debeant diuidere nec diuisionem facere inter eos de predicta pecia terre nixi in vna persona dando et red[d]endo annuatim tercium totius fructus que (sic) exierit de dicta pecia terre dicto monasterio uel suo certo misso Pro qua inuestitura predictus dominus abbas precepit michi notario ut fiere[n]t duo instrumenta vnius tenoris cum omni melioramento sapientis. Et Ego Rolandus notarius. sacri palacii hanc cartam sic scripsi.