E. Durando

Papa Eugenio III riceve la chiesa di Santa Maria di Vezzolano sotto la sua protezione e ne conferma i possessi (16 giugno 1148).

Fonti. — A. Orig., coi fori donde pendeva la bolla, in Arch. St. Tor., Ab. Vezz., m. I, n. 2. — B. Ediz. in Manuel, Vezz., 298, doc. I.

Met. di publ. — Si riproduce A, senza tener conto di B.

Eugenius episcopus seruus seruorum dei dilectis filiis andree preposito ecclesie sancte marie de ueciolano eiusque fratribus tam presentibus quam futuris canonicam uitam professis (1) IN PerPetuuM Quotiens illud a nobis petitur quod religioni /9/ et honestati conuenire dinoscitur animo nos decet libenti concedere et petentium desideriis congruum impertiri suffragium. Eapropter dilecti in domino filii uestris iustis postulationibus clementer annuimus. et prefatam beatę Marię ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus. Statuentes ut quascumque possessiones quecumque bona eadem ecclesia inpresentiarum iuste et canonico possidet. aut in futurum. concessione pontificum. largitione regum oblatione fidelium seu aliis iustis modis prestante domino poterit adipisci firma uobis uestrisque successoribus et illibata permaneant. Jn quibus hec propriis duximus exprimenda uocabulis. Albunianum et Ariscinum. x sestarios uini in uilla uerani. Quicquid habetis in coconato et in Germalino. Decimam quam habetis in Sompiano ex concessione Caroli taurinensis episcopi. Montem Rolentum cum finibus suis. Quicquid habetis in Montealto et Birriano et Arenthono et finibus eius. in Sulcia. Coio. et Brisiano eiusque finibus Placio. Arasco. Monte maiori. Medianum. Quicquid iuris habetis in aqua padi. Quicquid habetis in quadrato et finibus eius. tam in decimis quam in aliis. Ecclesiam sancii Petri de Ouiliano cum omnibus pertinentiis suis. Quicquid habetis in Jporiensi episcopatu. Ecclesiam sancte Marie de Wia cum omnibus pertinentiis suis Preterea laborum uestrorum quos de noualibus uestris propriis manibus aut sumptibus colitis nullus omnino hominum uel de aliis rebus aliquis laicus decimas a uobis exigere presumat. Decernimus ergo ut nulli omnino hominum liceat prefatum locum temere perturbare. aut eius possessiones auferre. uel ablatas retinere minuere. seu aliquibus uexationibus fatigare. Set omnia integra conseruentur eorum per quorum gubernatione et sustentatione concessa sunt usibus commodis profutura. Salua sedis apostolice auctoritate et diocesanorum episcoporum canonica iustitia Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit potestatis honorisque sui dignitate careat. reamque se diuino iudicio existere de perpetrata iniquitate cognoscat et [a] sacratissimo corpore ac sanguine dei ac domini nostri ihesu xpisti aliena fiat atque in extremo examine districte ultioni subiaceat Cunctis autem eidem loco sua iura seruantibus sit pax domini nostri ihesu xpisti quatinus et hic fructus bone actionis percipiant. et apud districtum iudicem premia eterne pacis inueniant amen

 (2) (R) Ego Evgenius catholice ecclesie episcopus subscripsi (M)

＋Ego Hvbaldus presbiter cardinalis tituli sancte Praxedis subscripsi

/10/ ＋Ego hugo presbiter cardinalis tituli in lucina subscripsi

＋Ego aribertus presbiter cardinalis tituli sancte anastasie subscripsi

＋Ego bernardus presbiter cardinalis tituli Sancti Clementis subscripsi

Datum Vercellis per manum GujDonjs sancte Romane ecclesie Diaconus Cardinalis et Cancellarius. xvi calendas Julii Jndictione xi. Incarnacionis dominice Anno m^oc^oxlviij. Pontificatus uero domini eugenii. pape iij. Anno Quarto.