/7/
V.
Bernardo, vescovo di Pavia, dà ai Canonici di Santa Croce di Mortara le chiese di San Cassiano e di San Geminiano (1119). Di tale atto Cristiano Perfiliasso, console di giustizia di Pavia, fa far copia (10 agosto 1233).
Fonti. — A. orig. dell’atto 1233 in Arch. st. Tor., Regolari per paesi, Mortara.
(S.T.) Anno dominice Jncarnacionis Millesimo Ducentesimo Trigesimo tercio Jndicione sexta die mercuri Decimo mensis augusti Jn papia Dominus Perfiliaxius xpistianus Consul Justicie papie precepit michi infrascripto Notario vt autenticarem et in publica[m] forma[m] /8/ reddigerem infrascriptas literas siue breue uel priuilegium quarum tenor talis est. Jn nomine sancte et indiuidue trinitatis. Breue recordacionis qualiter dominus Bernardus episcopus papiensis cunsensu et presencia seniorum et uicinorum de mortario Concessit et dedit ecclesias sancti Cassiani et Sancti Geminiani Canonicis sancte Crucis Salua reuerencia papiensis ecclesie et qualiter ipsi eciam Seniores et vicini Refutauerunt omne Jus et potestatem quam eis uisum erat habuisse in ecclesiis illis seu in rebus earum usque ad tempus illud aduersus prepositum sancte crucis: in manu scilicet Gregorii prioris eiusdem ecclesie sancte crucis. Videlicet ut predicte ecclesie cum rebus quas modo habent et quas habiture sunt in futurum sint in potestate et disposicione prepositi et fratrum sancte crucis. ut ordinent et disponant eas secundum quod sibi melius uisum fuerit. Ac absoluit easdem ecclesias et canonicos sancte crucis dominus prefatus episcopus vt non sit ei licitum uel alicui de suis successoribus petere a Canonicis sancte Crucis aliquam pecuniariam exactionem propter predictas ecclesias uel quolibet alio modo. factum est hoc autem Anno dominice incarnacionis Millesimo Centesimo xviiij Jndicione xj. Jn loco mortarii Jn camera domini prepositi sancte Crucis Jn die mercurij. In presencia bonorum hominum quorum nomina subter leguntur. ＋Ego Bernardus dei gratia episcopus subscripsi. Ego Benedictus ticinensis ecclesie prepositus subscripsi. ＋Ego felix Archidiaconus papie.
Testes. Oglerius et Soldanus. Arduynus et Petrus germani. donumdei et Bonebellus. Petrus. Saluusdei. Ribaldus uexillifer papiensis: Robaldus de mortario et Otto. Jacobus et ascerius quieto. bonusfilius. Jtem Octo de Candia et Petrus. Mauricius Mascarus. Johannes — Suprascriptus uero consul hanc Cartulam inde fieri Jussit. Jnterfuere albertus medicus et Jacobus capitaneus testes. (S.T.) Ego Otto Limedancus sacri Palacii Notarius hanc cartulam Jussu suprascripti Consulis Scripsi.