E. Durando

Uguccione, vescovo di Vercelli, dona ad Andrea, prevosto di Vezzolano, la chiesa di Santa Maria nel castello di Crea (4 dicembre ll52).

Fonti. — A. orig. in Arch. St. Tor., Ab. Vezz., m. I, n. 3 — B. Copia sincrona, ibidem, Ab. Crea, mazzo I. — C. Ediz. in Manuel, Vezz., 300, doc. 2.

Met. di publ. — Si riproduce A, senza tener conto di B.

Ugo dei gratia sancte uercellensis ecclesie humilis minister. dilecto in xpisto filio Andree preposito ecclesie beate MaRie in ueciolano et reliquis fratribus in Perpetuo substituendis; Equitatis ordo deposcit iusticieque insinuat disciplina. ut ecclesiis nostris precipue uero uiris religiosis quorum preces pro cunctis fidelibus altissimi majestatem iugiter interpellant. non solum in spiritualibus set etiam in temporalibus prouidere debeamus. Eapropter dilecti in xpisto filii uestris iustis postulationibus clementer annuens. debitoque more satisfaciens ecclesiam beate MaRie in castro credonensi uestigiis predecessoris nostri diue memorie inherentes dompni uidelicet Gisulfi episcopi uobis in integrum largimur et tam uobis quam successoribus uestris liberam ab omni exactione saluo tamen parochiali iure in perpetuum concedimus. Preterea quecumque bona quascumque possessiones nel testo possesssiones possessiones inpresentiarum iuste et canonice possidetis aut in posterum largicione regum concessione pontificum uel quorumlibet oblatione fidelium uobis acquisite fuerint sub beati eusebii protectione et nostra suscipimus. Ex quibus hec propriis duximus exprimenda uocabulis. ecclesiam beatissime dei genitricis MaRie in ueciolano cum omnibus possessionibus suis in episcopatu uercellensi constitutis. Si qua igitur ecclesiastica secularisue persona huius nostri decreti paginam sciens temerario ausu infringere temptauerit. secundo tercioue commonita. si non congrue satisfecerit. ream se de perpetrata iniquitate cognoscat et a sacratissimo corpore et sanguine domini nostri ihesu xpisti aliena fiat. atque in extremo examine diuine ulcioni subiaceat. Cunctis autem huius nostri decreti precepta seruantibus pax uera multiplicatur. quatinus hic interuentu beatissimi eusebii martyris xpisti bone operationis fructus percipiant /12/ et in futuro eterne beatitudinis in iustorum collegio premia consequantur.

 (1) ＋Ego Vguitio uercellensis ecclesie episcopus subscripsi ＋Ego Abraham archipresbiter ecclesie uercellensis subscripsi. ＋Ego iohannes indignus sacerdos et prepositus sancte marie subscripsi. ＋Ego georgius sacerdos subscripsi. ＋Ego Petrvs sacerdos et cantor subscripsi. ＋Ego Guilielmvs indignvs sacerdos subscripsi. ＋Ego uercellinus prepositus sancti eusebii subscripsi. ＋Ego oggerius Maior et diaconus subscripsi. ＋Ego mainfredvs diaconvs subscripsi. ＋Ego Iordanus diaconus subscripsi ＋Ego Guido subdiaconus subscripsi. ＋Ego bonusiohannes subdiaconus subscripsi ＋Ego Galfredus subdiaconus subscripsi ＋Ego bouinus subdiaconus subscripsi ＋Ego rogerius subdiaconus subscripsi ＋Ego egidius acolitus subscripsi. Data in palacio uercellensi per manum magistri petri. pridie nonas decembris. Anno uero dominice incarnacionis millesimo centesimo quinquagesimo secundo. indicione xiii Anno secundo donni V[gonis]. uercellensis episcopi EUGenio papa romanam ecclesiam gubernante Fryderyco rege romanum imperium administrante FeliciteR;