E. Durando

Papa Alessandro III riceve la chiesa di Santa Maria di Vezzolano sotto la sua protezione e ne conferma i possessi (10 luglio 1176).

Fonti. — A. L’orig. manca. — B. Copia autentica sec. XIV in Arch. Osped. Magg. Vercelli. — C. Ediz. in Manuel, Vezz., 304, doc. 5.

Met. di publ. — Si riproduce C, colle correzioni indispensabili, non avendo avuto modo di veder B.

Alexander Episcopus Seruus Seruorum Dei (1) Dilecto filio Guidoni preposito Vetiolanensis ecclesie Eiusque (2) fratribus tam presentibus quam futuris regularem vitam professis in perpetuum Effectum insta postulantibus indulgere et vigor equitatis et ordo exigit rationis presertim quando petentium volumtatem et pietas adiuuat Et veritas non relinquit. Quapropter dilecti in domino filii iustis uestris postulationibus clementer annuimus et Ecclesiam uestram que specialiter beati petri Juris existit sub apostolico Sedis protectione suscipimus et presentis scripti priuilegio communimus. Jn primis siquidem statuentes ut ordo canonicus qui secundum deum et beati Augustini regulam in eadem Ecclesia institutus esse dignoscitur perpetuis ibidem temporibus inuiolabiliter obseruetur. Preterea quascumque possessiones quecumque bona eadem Ecclesia inpresentiarum iuste et canonice possidet. aut in futurum concessione pontificum largitione regum vel principum oblatione fidelium seu aliis Justis modis prestante domino poterit adipisci firma uobis uestrisque successoribus et illibata permaneant. Jn quibus hec propriis duximus exprimenda uocabulis. Locum ipsum in quo memorata Ecclesia constructa est cum omnibus pertinentiis suis. Ecclesiam de pontizellis cum suis pertinentiis possessionibus et decimis. Ecclesiam de santena cum suis pertinentiis et decimis. Ecclesiam de bibiana cum pertinentiis suis. Ecclesiam de lucerna cum suis pertinentiis et decimis que colliguntur in foro Lucerne et extra. Ecclesiam de geuda cum suis pertinentiis et decimis. Ecclesiam de [a]ranzono cum suis pertinentiis. Ecclesiam Riuiclusi cum suis pertinentiis. Credonensem ecclesiam cum suis pertinentiis et decimis. Ecclesiam de Viuarone cum suis pertinentiis. Ecclesiam de Morano cum suis pertinentiis. Ecclesiam de gerunda cum suis pertinentiis et decimis. Ecclesiam Capreassi cum suis pertinentiis et decimis. Ecclesiam de burgaro cum suis pertinentiis et decimis. Ecclesiam Ubiliani cum suis pertinentiis et decimis et portu padi et molendinis. Possessiones et decimas quadrati tam in aquis quam in terris. Ad hec libertates a predecessoribus nostris Romanis pontificibus indultas uobis et Ecclesie uestre ratas habemus et firmas. easque perpetuis temporibus illibatas manere sancimus. Decernimus ergo ut nulli omnino hominum liceat prefatam Ecclesiam temere perturbare aut eius possessiones auferre uel ablatas retinere minuere Aut quibuslibet molestationibus fatigare. Sed omnia integra et illibata seruentur eorum pro quorum gubernatione /20/ ac substentatione concessa sunt usibus omnimodis profutura Salua Sedis apostolice auctoritate. Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit Secundo tertioue comonita nisi reatum suum digna satisfactione correxerit potestatis honorisque sui dignitate careat. reamque se diuino iudicio existere de perpetrata iniquitate cognoscat. et a sacratissimo corpore ac sanguine dei et domini nostri ihesu xpisti aliena fiat Atque in extremo examine districte ultioni subiaceat. Conctis autem eidem loco sua Jura seruantibus sit pax Domini nostri Jhesu xpisti quatenus et hic fructum bone actionis percipiant et apud districtum Judicem premia eterne pacis inueniant. Amen Amen. [(R)] Ego Alexander catholice Ecclesie Episcopus. [(M)] Ego hubaldus (3) hostiensis Episcopus. ＋Ego Johannes presbiter cardinalis sanctorum Johannis et pauli tituli Pamachii. ＋Ego Albertus presbiter cardinalis tituli sancti laurentii in lucina. ＋Ego Guilielmus presbiter cardinalis tituli sancti petri ad vincula. ＋Ego boso (4) presbiter cardinalis sancte pudentiane (5) tituli pastoris. ＋Ego t[h]eodinus presbiter cardinalis sancti vitalis tituli vestine. ＋Ego Johannes presbiter cardinalis tituli sancti marci. ＋Ego manfredus presbiter cardinalis tituli sancte Cecilie. ＋Ego petrus presbiter cardinalis tituli sancte Susanne. ＋Ego Jacintus (6) diaconus cardinalis sancte marie in cosmedin. ＋Ego Clemens diaconus cardinalis sancti adriani. ＋Ego Vgo diaconus cardinalis sancti Eustacii iuxta templum agrippe (7). ＋Ego laborans diaconus cardinalis sancte marie in porticu. ＋Ego Raynerius (8) diaconus cardinalis sancti georgii ad vel(l)um aureum.

Datum anagnie per manum gratiani sancte Romane Ecclesie subdiaconi et notarii sexto idus Julii. Jncarnationis dominice anno m.c.lxxvi. Pontificatus uero domini Alexandri pape iii anno xvii.