E. Durando

Uguccione, vescovo di Vercelli, affitta alla chiesa e canonica di Santa Maria di Vezzolano la terra tenuta da Oberto e Tebaldo di Letizia in Schierano e la decima di questo luogo e di Primeglio (10 febbraio 1166).

Fonti: — A. orig. in Arch. St. Tor., Ab. Vezz., m. I, n. 5. — B. Ediz. in Manuel, Vezz., 302, doc. 4.

Met. di publ. — Si riproduce A senza tener conto di B.

(S.T.) Anno dominice Jncarnacionis milleximo centeximo sexagesimosexto decimo die mensis februarii. Jndicione quartadecima. Jn curia domini Vgucionis vercellensis episcopi Presentia domini ruffini maioris ecclesie sancte marie de uercellis et Rogerii de pino, seu bouini eiusdem ecclesie canonicorum et aliorum quorum nomina inferius leguntur. /18/ Jnuestituram et datum fecit iure libelli prefatus dominus vgutio comes et eiusdem ciuitatis episcopus sanctus, ibi existente et consentente domino vberto aduocato ecclesie sancti eusebii. Jn domino guilielmo priori ecclesie et canonice sancte marie de uezorano sic uezorano Ad partem An[dree] prepositi sui et utilitatem ecclesie. Nominatiue de tota terra illa quam tenebant vbertus et tebaldus qui dicontur (sic) de leticia. in loco scorano. A rogerio et onrico et guidone seu bogiamundo fratrum uasallorum ipsius domini vgucionis episcopi, et de tota decima quam ipsi vbertus et tebaldus habere et tenere uidentur tam in suprascripto loco quam primelio. de quibus rebus predictus dominus ugucio finem acceperat ab ipso rogerio et a fratribus uasallis suis secundum quod professus est. quę omnia quantacumque inuenta fuerint in integrum, in presenti permaneant inuestitura. Jta ut a modo omni tempore habere et tenere debeat idem guilielmus prior et prepositus et eorum successores et cui dederint ad partem suprascripte ecclesie, suprascriptas res omnes quę supra leguntur in integrum. et facere exinde quicquid eidem ecclesie uti(l)le fuerit. sine contradi(c)cione predicti domini vgucionis episcopi suique successoris. Saluo omni anno in festo sancti martini fictum argenti denariorum bonorum papiensium solidos tres. quos idem guilielmus prior pro suprascriptis rebus dare conuenit suprascripto domino ugucioni episcopo uel suo certo misso. suisque successoribus. Vltra quod nullam idem dominus Vgucio episcopus exactionem habeat uersus predictam ecclesiam et officiales eius. aliquo modo per se nec per submitentem personam. sed omni tempore in predicti ficti quantitate erit contentus. et hanc inuestituram firmam et ratam habebit. sic[ut] inter eos conuenit; Signa manuum Vercellini et Viuiani qui dicontur scutarii. Manfredi negociantis et Ambrosii filii sui. atque Jorii scutarii testium. Signa manuum suprascripti Vberti aduocati qui eidem domino vguciono consensit ut supra et ad hanc inuestiture cartam confirmandam manum posuit; (1) ＋Ego vguitio uercellensis episcopus subscripsi. ＋Ego iohannes indignus archipresbiter subscripsi. ＋Ego petrus cantor subscripsi. ＋Ego Guilielmus sacerdos subscripsi. ＋Ego Guido diaconus subscripsi. ＋Ego magister petrus diaconus subscripsi.

(S.T.) EGo Girardus mediolanensis et sacri palacii notarius tradidi et iussione suprascripti domini vgucionis episcopi scripsi.