E. Durando

Papa Lucio III riceve la chiesa di Santa Maria di Vezzolano sotto la sua protezione e ne conferma i possessi (19 ottobre 1182).

Fonti. — A. L’orig. manca. — B. Copia semplice membranacea sec. XIII in Arch. St. Tor., Ab. Vezz., m. I, n. 6. — C. Ediz. in Manuel, Vezz., 307, doc. 7.

Met. di publ. — Si riproduce B, senza tener conto di C, ma colle correzioni indispensabili.

Lucius episcopus seruus seruorum dei. Dilectis filiis Guidoni preposito (1) ecclesie sancte marie de vegiolano et fratribus eius canonica[m] vita[m] professis in perpetuum Quociens a nobis petitur quod Religioni et honestati conuenire dinoscitur. animo nos decet libenti concedere et petencium desideriis congruum suffragium impertiri Eapropter dilecti in domino filii vestris iustis (2) postulationibus clementer annuimus et prefa(c)tam ecclesiam sancte marie vegiolani que specialiter beati petri Juris existit ad exemplar felicis Recordationis Alexandri pape predecessoris nostri sub beati petri et nostram protectionem suscipimus. et presentis scripti priuilegio communimus. Jn primis siquidem statuentes ut ordo canonicus qui secundum domini et beati augustini Regulam in eodem loco institutus esse dinoscitur. perpetuis ibidem temporibus inuiolabiliter obseruetur Preterea quascumque possessiones quecumque bona eadem ecclesia inpresenciarum Nel testo la numerazione della n. 2 è ripetuta /22/ Juste et canonice possidet aut in futurum (2bis) concessione pontificum largitione Regum uel principum. oblatione fidelium. seu aliis iustis (3) modis prestante domino poterit adipisci. firma uobis uestrisque successoribus et illibata permaneant. Jn quibus hec propriis duximus exprimenda vocabulis. locum ipsum in quo prefa(c)ta ecclesia sita est cum omnibus possessionibus suis et decimis. Ecclesiam de santana cum omnibus suis pertinenciis et decimis. Ecclesiam de bibiana cum pertinenciis suis et decimis. Ecclesiam portus gaudii cum pertinenciis suis et decimis. Ecclesiam de arenzono cum pertinenciis suis et decimis. Ecclesiam sancti iohannis de ripa cum pertinenciis suis et decimis. Ecclesiam de lucerna cum pertinenciis suis et decimis que colliguntur in foro lucerne et extra. Ecclesiam de guida cum pertinenciis suis et decimis. Ecclesiam riuiclusi cum pertinenciis suis et decimis. Credonensem ecclesiam cum pertinenciis suis et decimis. Ecclesiam uiuarone cum pertinenciis suis et decimis. Ecclesiam de girunda cum pertinenciis suis et decimis. Ecclesiam capreassi cum pertinenciis suis et decimis. Ecclesiam de bulgaro cum pertinenciis suis et molendinis. Ecclesiam Vbiliani cum pertinenciis suis et decimis et portu padi et molendinis. Ecclesiam quadrati cum suis possessionibus et decimis. Sane noualium uestrorum que propriis sumptibus uel manibus colitis [siue] de nutrimentis animalium uestrorum. nullus a uobis decimas extorquere presumat. liceat quoque clericos uel laycos e(t) seculo fugientes. liberos et absolutos ad conuersionem recipere. et eos absque contradicione aliqua retinere. Prohibemus insuper ne ulli fratrum uestrorum post factam in eodem loco professionem fas sit absque prepositi sui licentia nisi arc[t]ioris religionis obtentu de eodem loco discedere. Discedentem uero absque comunium literarum caucione nullus audeat retinere. Cum autem generale Jnterdictum terre fuerit liceat uobis clausis Januis exclusis excommunicatis et Jnterdictis. non pulsatis campanis sup[p]ressa voce diuina officia celebrare. Ad hec uero libertates a predecessoribus nostris Romanis pontificibus uobis et ecclesie vestre Jndultas et actenus obseruatas. Ratas habemus et firmas et eas perpetuis temporibus illibatas manere sancimus. Sepulturam quoque ipsius loci liberam esse decernimus ut eorum deuocioni et extreme voluntati qui se illic sepeliri deliberauerint si excomunicati uel Jnterdicti [non] fuerint nullus obsistat. Salua tamen Justicia illarum ecclesiarum a quibus corpora mortuorum assumuntur. Obeunte vero te nunc eiusdem loci preposito uel tuorum quolibet successorum nullus ibi qualibet surreptionis (4) astucia seu violencia preponatur. nisi quem fratres comuni consensu uel fratrum maior pars consilii sanioris secundum dei timorem et beati augustini /23/ Regulam prouiderit eligendum. Decernimus ergo ut nulli omnino hominum liceat prefatam ecclesiam temere perturbare, aut eius possessiones auferre. uel ablatas retinere. minuere seu quibuslibet vexationibus fatigare. sed omnia integra conseruentur. eorum pro quorum gubernatione ac sustentacione concessa sunt [usibus] omnimodis profutura Salua sedis apostolice auctoritate et diocesani episcopi canonica iusticia Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit secundo tercioue comonita nisi Reatum suum condigna satisfacione correxerit potestatis honorisque sui dignitate careat. reamque se diuino Judicio [existere] de perpetrata iniquitate cognoscat et a sacratissimo corpore ac sanguine dei et domini nostri (et) Redemptoris Jhesu xpisti aliena fiat. atque Jn extremo examine districte vlcioni subiaceat. Cunctis autem eidem loco sua Jura seruantibus sit pax domini nostri Jhesu xpisti Quatinus et hic fructum bone actionis percipiant et apud districtum Judicem premia eterne pacis inueniant Amen Amen

Subscripsit autem huic priuilegio idem dominus Lucius catholice ecclesie episcopus et theodinus portuensis [et] sancte Ruffine sedis episcopus. De presbiteris uero cardinalibus petrus ecclesie sancte susane. Viuianus ecclesie sancti stephani in celio monte. Albinus (5) ecclesie sancte crucis in Jerusalem. laborans presbiter sancte marie transtyberim. Ecclesie (sic) calixti. De dyaconibus autem Jacin(c)tus sancte marie in cosmidin. Ardicio sancti theodori. Rainerius sancti georgii ad velum aureum. Gracianus sanctorum cosme et damiani. Datum Velletri per manum Alberti sancte Romane ecclesie presbiteri cardinalis et cancellarii. xiiij kalendas nouembris. Jndicione prima Jncarnacionis dominice Anno m^o c^o lxxxij^o Pontificatus vero domini Luci pape. iii Anno ij^do.