/26/
XXIII.
Pietro, priore di Santa Agata di Pontestura, permuta con Rufino di Villa terre in Morano (4 gennaio 1197).
Fonti. — A. orig. in Arch. St. Tor., Ab. Crea, m. I.
(S.T.) Anno dominine Jncarnacionis Millesimo Centesimo Nonagesimoseptimo Jndicione xv. quarto die Januarii. Commutacio bone fidei noscitur esse contractus ut uice emcionis obtineat firmitatem eodemque nexu obligat contrahentes. Coram testibus infrascriptis. datum et inuestituram fecit dominus prior petrus rector et minister ecclesie sancte agathe Sponte Jn manibus Rufini de uilla suorumque eredum nomine commutacionis de quatuor peciis terre iuris supradicte ecclesie reiacentes (sic) in loco et fundo morani et eius territorio cum accessu et ingressu quantum infra suas coerencias inueniri potuerint in hac persistant commutacione et dato Jta ut ab [h]odie in antea ipse rufinus cum suis eredibus habeant et teneant suprascripta in integrum faciendum ex ea iuris proprietario nomine quicquid uoluerint sine contradicione ipsius prioris suorumque successorum. due ex istis peciis terre Jacent in braida. Coerent ab una parte illi de dimitro per testa, ab alia binelli. de longo. Tercia iacet in spauentula. coeret ei ab una parte bonusiohannes de brolio de longo uia per testa. Quarta iacet ad monumentum /27/ coere[n]t de longo illi de Johanne rocca. ab alia parte canonici per testa et Jdem prior accepit a pretaxato rufino de uilla quatuor pecie in commutacionis causa. prima pecia iacet in braida coeret per testa ab una parte Solumbra et de longo similiter Jtem due pecie Jacent iusta laonum. coerent canonici mortarienses ab una parte ab alia parte illi de siro. Quarta pecia iacet ad monumentum. Coerent ab una parte canonici la uia per testa et sic inuestiuit iste rufinus supradictam ecclesiam per se et per suos eredes Cum accessu et ingressu quantum infra suas coerencias inueniri potuerint in hoc persistant commutacione et dato Jnsuper promiserunt se ad inuicem unus uersus alium has commutaciones firmas tenere et ab omnibus personis suis in racionibus defendere et Guarentire bona fide quia sic inter eos conuenit unde due carte uno tenore scripte sunt. Actum in morano sub porticu domus canonicorum. Jnterbuerunt testes Rudulfus de castello. Nicolaus. petrus de la fraza. Sufredus. Johannes conuersus;
(S.T.) Ego Girardus aule Jmperialis Notarius Jnterfui et hanc cartam tradidi et scripsi;