E. Durando

Enzo, re di Sardegna e legato imperiale, ad istanza di Bonifacio marchese di Monferrato dà privilegi a diversi monasteri fra cui a quello di Grazzano (febbraio 1246).

Fonti. — A. L’orig. manca. — B. Copia semplice sec. xvii in Arch. Econ. beneff. vacc. in Tor., Ab. Grazz., m. II.

Met. di publ. — Si riproduce B, con una correzione indispensabile.

Henricus dei et imperiali gratia Rex Sardinie sacri imperii in Jtalia legatus. Per presens scriptum notum facimus uniuersis tam presentibus quam futuris quod Nos ad supplicationem egregi[i] viri B[onifacii]. marchionis Montisferrati dilecti fidelis imperii Monasteria Locedii. de Stafarda (1). Casenoue. Grazzani. Sancti Mauritii. Sancti Costantii. hospitalis de Stura et Ecclesiam de Vezolano cum omnibus bonis suis monasteriis. cellis. grantiis. ecclesiis. capellis. possessionibus. rebus omnibus tam mobilibus quam stabilibus ac etiam hominibus suis que et quos eadem monasteria et ecclesia ubique per imperium in ciuitatibus castellis villis et burgis Juste tenent et possident. vel de cetero poterunt adipisci Justo titulo recipientes ex imperiali Nobis auctoritate commissa perpetuo sub protectione nostra et imperii specialiter Monasteria ipsa et ecclesias cum ecclesiis villis hominibus et possessionibus suis. ut dictum est. ab omnibus datiis. collectis et specialiter ab illis talliis quas in presenti Serenissimus Cesar dominus pater Noster vel Nos ecclesiis imponi mandauimus vel de cetero continget imponi, exempta reddimus et immunia de gratia speciali. Quapropter mandamus et statuimus firmiter quatenus nullus sit qui monasteria et ecclesiam supradicta cum ecclesiis hominibus bonis et possessionibus suis. ut est dictum. contra presentis protectionis et indulte gratie nostre tenorem offendere impedire vel molestare presumat. Quod qui presumpserit indignationem imperialem et nostram et centum librarum auri penam incurrat. medietatem dicte pene camere imperiali et aliam Marchioni predicto. Ad cuius rei euidentiam et robur in posterum valituram presens scriptum exinde fieri et Nostro sigillo Jussimus /55/ communiri. Datum Taurini anno dominice incarnationis Millesimo ducentesimo quadragesimo sexto mense februario. quinta indictione.