E. Durando

Cartario dei monasteri
di Grazzano, Vezzolano, Crea e Pontestura

Pinerolo 1908

/55/

L.

Papa Innocenzo IV riceve la chiesa di Santa Maria di Vezzolano sotto la sua protezione e ne conferma i possessi (13 giugno 1248).

Fonti. — A. L’orig. manca. — B. Copia autentica 26 aprile 1458 del notaio Lorenzo Moglia, in Arch. Osped. maggiore Vercelli. — C. Ediz. in Manuel, Vezz., 309, doc. 8.

Met. di publ. — Si riproduce C.

Innocentius Episcopus seruus seruorum Dei. Dilectis filiis Preposito Vetiolanensi eiusque fratribus tam presentibus quam futuris regularem vitam professis in perpetuum Quotiens a Nobis petitur quod religioni et honestati conuenire dignoscitur. animo nos decet libenti concedere et petentium desideriis congruum suffragium impertiri. Eapropter dilecti in domino filii vestris Justis postulationibus clementer annuimus et ecclesiam sancte marie Vetiolanensem Vercellensis diocesis que specialiter beati petri Juris existit ad exemplar felicis recordationis Alexandri Lucii et Gregorii noni predecessorum nostrorum romanorum pontificum sub beati petri et nostra protectione suscipimus et presentis scripti priuilegio communimus Jn primis siquidem statuentes ut ordo canonicus qui secundum deum et beati augustini regulam in eadem ecclesia institutus esse dignoscitur perpetuis ibidem temporibus inuiolabiliter obseruetur. Preterea quascumque possessiones quecumque bona eadem ecclesia inpresentiarum Juste ac canonice possidet aut in futurum concessione pontificum largitione regum vel principum oblatione fidelium. seu aliis Justis modis prestante domino poterit adipisci firma vobis vestrisque successoribus et illibata permaneant Jn quibus hec propriis duximus exprimenda vocabulis Locum ipsum in quo memorata ecclesia sita est cum omnibus pertinentiis suis. Ecclesiam de ponticellis cum pertinentiis suis. possessionibus et decimis Ecclesiam de Santhana cum pertinentiis suis et decimis. Ecclesiam de Bibiana cum pertinentiis et suis decimis. Ecclesiam portus gaudii cum pertinentiis suis. Ecclesiam de Aranzono cum pertinentiis suis et decimis. Ecclesiam sancti Johannis de Rippa cum pertinentiis suis et decimis. Ecclesiam de Lucerna cum pertinentiis suis et decimis que colliguntur in foro Lucerne et extra. Ecclesiam de guida cum pertinentiis suis et decimis. Ecclesiam Riuiclusi cum pertinentiis suis. Credonensem ecclesiam cum pertinentiis suis et decimis. Ecclesiam Viuifontis cum pertinentiis suis et decimis. Ecclesiam Viuerone cum /56/ pertinentiis suis et decimis. Ecclesiam de Girunda cum pertinentiis suis et decimis. Ecclesiam Capriassi cum pertinentiis suis et decimis. Ecclesiam de Bulgaro cum pertinentiis suis. decimis et molendinis. Ecclesiam Ubiliani cum pertinentiis suis et decimis et portu padi et molendinis. Ecclesiam quadrati cum suis possessionibus et decimis cum pratis vineis terris nemoribus usagiis pascuis in boscho et plano in aquis et molendinis. in viis et semitis et omnibus aliis libertatibus et immunitatibus suis. Sane noualium vestrorum que propriis manibus aut sumptibus colitis de quibus aliquis hactenus non percepit siue de nutrimentis animalium vestrorum nullus a vobis decimas exigere vel extorquere presumat. Liceat quoque vobis clericos vel laycos a seculo fugientes liberos et absolutos ad conuersionem recipere et eos absque contradictione aliqua retinere. Prohibemus insuper vt nulli fratrum vestrorum post factam in nel testo: eedem eodem loco professionem fax sit absque Prepositi sui licentia nisi artioris religionis obtentu de eodem loco discedere Discedentem uero absque comunium literarum vestrarum cautione nullus audeat retinere. Quum autem generale interdictum terre fuerit. liceat vobis clausis Januis exclusis excomunicatis et interdictis non pulsatis campanis suppressa voce diuina officia celebrare. dummodo causam non dederitis interdicto. Ad hec libertates a predecessoribus nostris Romanis pontificibus vobis et Ecclesie vestre indultas et hactenus obseruatas ratas habemus et firmas et eas perpetuis temporibus illibatas manere sancimus. Sepulturam preterea ipsius loci liberam esse decernimus ut eorum deuotioni et extreme voluntati qui se illic sepelliri deliberauerint. nisi forte excommunicati uel interdicti sint aut publice usurarii. nullus obsistat Salua tamen Justitia illarum ecclesiarum a quibus mortuorum corpora assumuntur. Obeunte uero te nunc eiusdem loci preposite uel tuorum quolibet successorum nullus ibi qualibet surreptionis astutia seu violentia preponatur nisi quem fratres comuni consensu. uel fratrum maior pars consilii sanioris secundum dei timorem et beati Augustini regulam prouiderint eligendum. Decernimus ergo ut nulli hominum omnino fax sit prefatam ecclesiam temere perturbare aut eius possessiones auferre vel ablatas retinere minuere seu quibuslibet vexationibus fatigare sed omnia integre conseruentur (et) eorum pro quorum gubernatione ac substentatione concessa sunt usibus omnimodis profutura. Saluis sedis apostolico auctoritate et in supradictis ecclesiis diocesanorum episcoporum canonica Justitia et in decimis moderatione concilii generalis. Si qua igitur in futurum ecclesiastica secularisue persona hanc nostre constitutionis paginam sciens contra eam temere venire temptauerit. secundo tertioue commonita. nisi reatum suum digna satisfactione correxerit. /57/ potestatis honorisque sui careat dignitate. reamque se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Jhesu Xpisti aliena fiat. atque in extremo examine diuine subjaceat ultioni. Cunctis autem eidem loco sua jura seruantibus sit pax domini nostri Jhesu Xpisti quatenus et hic fructum bone actionis percipiant et apud districtum Judicem premia eterne pacis inueniant. Amen. Amen. Amen.

Ego Jnnocentius catholice ecclesie Episcopus. Ego petrus Albanensis episcopus subscripsi. Ego petrus tituli sancti Marcelli presbiter cardinalis subscripsi. Ego Villelmus Basilice duodecim Apostolorum presbiter cardinalis subscripsi. Ego frater Johannes tituli sancti Laurentii in Lucina presbiter cardinalis subscripsi. Ego frater Hugo tituli sancte Sabine presbiter cardinalis subscripsi. Ego Johannes sancti Nicolay in carcere tulliano diaconus cardinalis subscripsi. Ego Willelmus sancti Eustachii diaconus cardinalis subscripsi.

Datum Lugduni per manum magistri Martini sancte Romane ecclesie vicecancellarii. Jd[ib]us iunii Jndictione vi. Jncarnacionis dominice anno m. cc. xlviij. Pontificatus uero domini Jnnocentii pape iiij anno quinto.

Torna su ↑