E. Durando

Oliviero ed Elena del fu Tomaso di Paltrengo ed il loro curatore rinunciano al monastero di Grazzano ed al suo abate signor Lodovico di Pocapaglia una terra che tenevano dal detto monastero ([13 o] 14 marzo 1283).

/76/

Fonti. — A. L’orig. manca. — B. Copia semplice sec. xvi in Arch. Econ. beneff. vacc. in Tor., Abb. Grazzano, m. II

Osservaz. — Il 14 marzo 1283 era di lunedì, non di domenica. È dunque errato il giorno del mese o quello della settimana.

(S.T.) (1) Anno natiuitatis domini Millesimo ducentesimo octuagesimo tertio indicione undecima die dominico decimaquarta mensis marcii. Actum in claustro monasterii Grazzani. Testes franciscus della Porta de Montecaluo. Ansermus Saxico. Rogerius Capus de Grazzano et Benedictus de Gisignano Quorum presentia Facius filius quondam Alberti de Paltrengo curator Oliuerii et Helene filii quondam Tomasi de Paltrengo ut constat per cartam factam per Obertum Jobannem de Cauallis notarium Jll^mi domini Marchionis silicet instrumento currente Millesimo ducentesimo octuagesimo secundo indicione decima die Jouis decima octaua mensis decembris. suo proprio nomine et nomine suprascriptorum et ipse Oliuerius auctoritate dicti curatoris Jura renuntiauerunt domino Ludouico de Paucapalea dei gratia Abbati monasterii de Grazzano recipienti nomine et vice dicti monasterii omnia Jura que habent uel habere uidentur in quadam pecia terre et prati que est in valle Sturia in territorio Paltrengi cui coherent heredes Tomasi quondam Guilelmi de Pitio a duabus partibus. Obertus Gallus et via (Et) quam peciam terre et prati tenebant in feudum a dicto monasterio facientes eidem domino Abbati predicto nomine recipienti pacem finem quitationem et remissionem et omnimodam absolutionem et pactum de non petendo in perpetuum cum omnibus Juribus et actionibus competentibus in dicta pecia terre et prati vel occasione ipsius. Promit[t]en[te]s predicto domino Abbati quod in perpetuum Jus aliquod non appellabunt. neque requirent sub pena restitutionis dampnorum expensarum et interesse que et quas dictum monasterium faceret incurreret uel substineret occasione predicta et sub hipotheca et obligatione omnium bonorum suorum. Et insuper dictus Oliuerius quia minor extat uigintiquinque annorum maior tamen quindecim ut ipse confitetur et dictus facius idem asserit. corporaliter tactis scripturis Jurauit ad sancta dei euangelia omnia et singula suprascripta rata habere et tenere in perpetuum renunciando beneficio restitutionis in integrum. Et inde unum instrumentum et plura eiusdem tenoris fieri preceperunt cum melioramento sapientis. Et Ego Dalphinus de Vellareto notarius sacri palatii hanc cartam sic Jussus abreuiaui et scripsi.