E. Durando

Ardizzone ed Amedeo, fratelli, del fu Guglielmo; Anselmo ed Ottme, fratelli, del fu Tetone; Ottone del fu Vifredo e Guido di Arduino, colle loro mogli, investono Teodulo detto Fanto ed Egidio, ministri della chiesa di Vezzolano, di quanto questa possiede (27 febbraio 1095). Uberto, Ardizzone e Guglielmo, zio e nipoti, nonchè Ardizzone, Goslano e Vitale Giorgio confermano tale investitura (1 gennaio 1153).

Fonti. — A. L’orig. manca. — B. Copia autentica del notaio Bernardo Bazano, senza data, ma del sec. XVIII, in Arch. St. Tor., Ab. Vezz., m. I. — C. Ediz. in M. h. p., Ch., I. 713.

Met. di publ. — Si riproduce B, non tenendo conto di C.

Anno ab incarnacione domini nostri Jhesu xpisti millesimo nonagesimo quinto tertio kalendas martii Jndictione tertia. Presentia bonorum hominum quorum nomina subter leguntur Per lignum et cartulam que in suis manibus tenebant Ardicio filius quondam Vilielmi et Amedeus germanus eiusdem et Anselmus atque otto filii quondam Tetonis seu Otto filius quondam Vuifredi et Guido filius Arduini et uxores eorum diuino amore compulsi non premio uel qualibet adulatione seducti inuestiuerunt Theodulum qui cognominatur Fanto et Egidium sancte Veciolanensis ecclesie officiales et super altare eiusdem ecclesie posuerunt eandem investituram nominative de eadem ecclesia et de rebus quas ipsa ecclesia nunc tenet uel postmodum habitura est ita /6/ ut isti suprascripti presbiteri et sequaces eorum habeant regimen. et omnem potestatem predicte ecclesie et rerum ad eam pertinentium. et per tenturam atque inuestituram seu electionem presbiterorum et clericorum faciendam absque omni mundano et conuento premio nec suprascripti patres et matres eorumque heredes habeant licentiam seu potestatem per quodlibet ingenium ullamque occasionem que fieri possit dandi uel inuasandi aut alienandi de rebus ipsius ecclesie uel requirendi seu exigendi aliquod premium aut usum uel condicionem ab ipsa [ecclesia de] aliquibus rebus nunc uel in futuro ad eam pertinentibus. ipsa autem ecclesia cum presbiteris clericis presentibus et futuris rebusque nunc et postmodum ad eam pertinentibus in sua libera permaneat Quando diversi esponenti rimandano a un’unica nota, si è preferito distinguerli con una lettera minuscola e replicare la nota. [potestate  (1a)] suprascriptorum patrum matrum filiorum eorumque heredum absque omni eorum contradictione uel molestatione preter ad adiuuandum si opus [esset] dictam ecclesiam cum presbiteris clericis et omnibus rebus ad ipsam uel ipsas [pertinentibus] absque omni premio nisi pro anime sue mercede. Jpsi tamen presbiteri et clerici eorum[que successores] habeant potestatem dandi uel alienandi de rebus ipsius ecclesie nisi ex comuni consensu et ad euidentem ipsius ecclesie utilitatem. liceat autem ipsis presbiteris et clericis presentibus uel futuris inuenire presbiteros seu clericos quos putauerint ad seruiendum Deo Jdoneos et eosdem eligere in eadem ecclesia. Jamdicti uero presbiteri et clerici presentes et futuri cohabitare et comuniter uiuere et conuersari debent in predicta ecclesia secundum canonicam regulam sine aliqua diuisione uel proprietate Quod si aliquis uel aliqui illorum instigante diabulo in ipsa uita seu conuersatione manere noluerint et alios inquietare conatus uel conati fuerint dato sibi spatio penitendi gratia et reprobata malitia a confratribus uel confratre  (1b) recipiantur. Sin autem in eadem malitia perseuerauerint comuni fratrum consilio ab ecclesia separentur et non habeant potestatem requirendi quidquam de rebus quas secum in predicta ecclesia tulerint uel dederint aut pro ipsa expenderint Si autem omnes quod absit diabolico instinctu secundum predictum canonicum ordinem uiuere et cohabitare spreuerint. concesso tamen spatio pro penitentia si reuerti neglexerint clerici habeant potestatem illos eiciendi et alios idoneos supradicto ordine el(l)igendi et canonico ordine uiuant. Hec autem liberalitas presbiterorum ecclesie et clericorum rerumque ad eum pertinentium ideo a supradictis dominis silicet Ardicione Amedeo Anselmo et Ottone et item Guidone et Ottone et ab omnium supradictorum auctoribus (2) est facta ut omnium parentum suorum uiuorum ac defunctorum anime. cunctorum honorum que in eadem ecclesia orationibus missis elemosinis uel uigiliis omnibusque modis quibus bonum fieri potest facta fuerint in uita et post mortem participes /7/ sint. Hec autem supradicta bona etiam omnibus illis proficiant qui auxilium presidium subsidium atque consilium eidem ecclesie pręstiterint ut in ista libertate permaneat. Jtem quoque supradicti domini Ardicio et ceteri ut huius liberalitatis cartulam a se et ab omnibus suis heredibus firmiter inuiolabiliterque seruetur talem penam sibi suisque heredibus qui eam quolibet modo inquietare molestare corrumpere aut contaminare conatus fuerit uel tentaueri[n]t indixit imposuit fierique pręcepit centum libras optimi argenti ecclesie seu eius officialibus debere persolui et tamen post solutam penam sanxerunt eandem ecclesiam firmam manere et ut quod ratione actum est non solum pecuniarie pene timore uero etiam anathematis pauore inconcussum et incontaminatum permaneat superna  (1a) eum qui hanc libertatem quomodolibet corruperit uiolauerit uel distruxerit cum Juda traditore pessimo et Dathan et Abiron  (1b) anathemate perpetuo condemnet. Factum est hoc Bogeriusque et Paganus uocatus Bonifacius  (1c) Otto. Girbaldus Johannes Otto Ubertus Andreas Albertus Adam Lambertus Syfredus Adam Johannes Boso Varmundus Arduinus Otto et alii plures fuerunt testes.

Ubertus et Ardicio atque Vilielmus barbanus et nepotes atque idem Ardicio et Goslanus seu Vitalis Georgius in omnes hanc cartam confirmauerunt in presentia bonorum hominum quorum nomina sunt magifredus Bocabouis. Vido Bagiade. Johannes Binel. Ubertus Sarfengi Bonifacius Robaldus niuizani. Item Robaldus Vibertus Brexani. Ugus Begi testes sunt. Anno dominice incarnationis milesimo centesimo quinquagesimo tertio primo die mensis Januarii Jndictione prima. (S.T.) (3) Ego Jordanus notarius interfui et hanc confirmationem ad memoriam recolendam subscripsi.