E. Durando

Il marchese Guglielmo di Monferrato e Giulita, sua moglie, fanno una donazione al monastero di Grazzano (4 maggio 1156).

Fonti.   A. L’orig. manca. — B. Ediz. in Benvenuto San Giorgio, 26.

Anno ab incarnatione domini nostri Iesu Christi millesimo centesimo quinquagesimosexto quarto die mensis madii indictione quarta. Quoniam in hac fragili caduca et brevi vita degentibus admodum utile et saluberrimum est de æterna et felicissima vita præcogitare. nos Gulielmus marchio filius quondam Raynerii item marchionis et Iulita iugalis filia quondam marchionis Leopoldi de Austria illud agere pro nostro posse præcogitavimus qualiter in illa felici vita conviventibus Dei misericordia aliquid participare promeremur. Nos itaque supradicti /13/ iugales qui professi sumus ex natione nostra lege vivere. Salica. sed ego Iulita ex natione mea lege vivere videor Alamannorum. mortifera peccata a nobis abiicere cupientes et felicitatis prœmia (1) a conditore omnium rerum Deo desiderantes præsentes præsentibus diximus quod si quis in sanctis seu venerabilibus locis aliquid de suis contulerit (2) bonis iuxta auctoris vocem centuplum in hoc sęculo atque insuper quod melius est vitam aeternam possidebit. Ideoque nos qui supra finem et refutationem et si quod ius habebamus donationem facimus monasterio constructo in castro quod vocatur Gracianum in honorem Dei et sancti Petri et beatissimorum martyrum Victoris et Coronæ et sanctæ Cristinæ et aliorum sanctorum reliquias quorum ibi habentur. nominative de omnibus rebus illis quæ ab Aleramo primævo antecessore nostro in marchia seu a quolibet alio antessore nostro de eiusdem Aledrami stirpe descendente in iam dicto monasterio collatæ sunt tam castro quam villis et redditibus et pertinentiis. ecclesiis colonis servis et ancillis et de universis quæ a supradictis in iamdicto monasterio collata in aliquo loco inventa fuerunt. Ut nec nos nec nostri successores vel aliqua prorsus persona valeamus antedicto monasterio vel a prœfatis omnibus exigere placitum districtum bannum fotrum albergariam prædariam arimanniam → Gloss. arimanniam angariam perangariam nec ullam prorsus publicam uel privatam exactionem. Sed abbas qui nunc est et monachi et qui futuri sunt in eodem monasterio Deo et sanctis martyribus servientes libere et absolute possideant fruantur disponant ordinent et dispensent nulla a magna vel parva persona exactione imminente exceptis quinque placitis quæ quia religioni abbatis congrua seu honesta non videntur in nostra reservamus potestate idest duellum adulterium incendium proditionem et homicidium. Insuper donamus et offerimus in eodem monasterio totum fictum canevarum quod habebamus uel habituri eramus in castro Lugi. et decimam partem omnium reddituum qui veniebant nobis de portu Felicianensi qui currit in fluvio Tanari. et hæc specialiter in refectionem infirmorum distributa esse volumus. Hæc et supradicta pro animarum nostrarum antecessorum vel successorum nostrorum mercede disponimus. Si quis vero quod futurum esse non credimus si nos ipsi qui supra iugales quod absit aut ullus de heredibus et proheredibus nostris seu quelibet (3) persona contra hanc cartulam offersionis vel refutationis ire quandocumque tentaverit aut si eam per quodvis ingenium infrangere quæsiverit tunc ipsi monasterio aut parti monasterii promittimus nos qui supra iugales nostrosque successores componere auri optimi libras centum et insuper hæc carta nostræ offersionis pro futuro omni tempore firma et stabilis permaneat. Praeterea universis nostris successoribus qui hanc refutationem /14/ et offersionis cartulam pro animarum nostrarum antecessorumque seu successorum nostrorum mercede factam firmam illibatamque servaverit benedictionem Dei et beatissimorum martyrum in quorum honore facta est et omnium sanctorum misericordiam si quæ est supervenire precamur. Illis vero qui temeratores et violatores huius cartulæ offersionis et refutationis extiterint maledictio Dei et beatissimorum martyrum et omnium sanctorum et nostræ cum impiis superveniat. Actum est in prædicto castro quod vocatnr Gracianum. Signa manuum suprascriptorum (4) iugalium qui hanc cartulam offersionis et refutationis fieri rogaverunt. Signa manuum Gulielmi Pristen (sic). Henrici de Cella. Uberti Paruapart. Raynerii de Ponciano. Wilielmi de Grafagnana. Wilielmi Sinebarca. Ascherii de Bulgaro. Siri Ottonis. Vuilielmi de Grafagnana. Arnaldi de Taurino. Ludonis de Faveraldo. Alberti de Valtingo. Hii et multi alii interfuerunt.