/115/
III.
Uberto e Guglielmo detti di Incisa, fratelli, accensano al monastero di Santa Maria della Rocca un prato spettante alla chiesa della pieve di Moncalvo, con richiamo a legato del conte di Biandrate (13 gennaio 1167).
Fonti. — A. orig. in BRT, Perg. sec. XII, n. 24. — B. Ediz. in M. h. p., Ch., II, 1003, n. 1520.
(S.T.) Anno dominice Jncarnacionis milleximo Centeximo sexagesimo septimo. terciodecimo die mensis genuarii Jndicione quintadecima. Placuit atque conuenit Jnter ubertum et guilielmum fratres qui dicuntur de Jncisa de loco montecaluo Necnon et (Jnter) petrum diaconum qui dicitur de ualenza vice ad partem et utilitatem monasterii sancte marie de la rocca. vt in dei nomine debeant dare sicut a presenti dederunt prefati germani eidem monasterio ad habendum et tenendum seu censum reddendum libellario nomine usque in perpetuum. hoc est petiam vnam prati Juris ecclesie de la plebe de montecaluo et eorum libellaria reiacentem Jn pertinenti de montecaluo. ad locum ubi dicitur Jn pratolongo. Coheret ei a tribus partibus ipsius ecclesie de la rocca. de alia parte via. et est per mensuram iustam. staria. duodecim. minus tabulas tres et pedes duos. Ea ratione uti a modo Jn antea usque in suprascripto constituto habere et tenere debeant monache ipsius monasterii ad partem ipsius ecclesie que modo sunt uel que pro tempore fuerint prefatum pratum ut supra legitur in integrum Et facere exinde cum suis successitris (sic) et cui dederint libellario nomine quicquid uoluerint Sine ipsorum germanorum et suorum heredum contradicione. Quidem et promiserunt predicti fratres vna cum eorum heredibus omni tempore de suprascripto prato ut supra legitur /116/ stare Jn auctoritate et defensione cum Jure et ratione ut venditor emptori ab omni persona. eisdem monache et suis successitris et cui dederint. Jta tamen quod predicte monache et earum successitris et cui dederint soluere debent omni anno solitum fictum denarios duos papiensis monete. predicte ecclesie de la plebe. penam uero Jnter se posuerunt ut quis ex ipsis aut earum heredibus uel successoribus se de hac conuenientia libelli remouere quesierint et non permanserint Jn his omnibus ut superius legitur tunc componat parti fidem seruanti pene nomine argenti denariorum bonorum papiensis monete. libras duodecim Et pro suprascripto prato acceperunt suprascripti fratres a suprascripto monasterio pretium libras sex denarios triginta et duo minus. papiensis monete. quos fuerunt de Judicato quod fecit comes blandratensis eidem monasterio ; Quia sic Jnter eos conuenit. Actum suprascripto loco montecaluo ; Signa manuum suprascriptorum germanorum qui hanc cartam libelli ut supra fieri rogauerunt ; Signa manuum ramondi de tellio et rainerii de ponzano. Arnaldi de ponte. petri de crosa. goselmi ferrarii. rainerii de fosco testium ;
Jbique statim coram ipsis testibus dederunt guadiam suprascripti fratres eidem petro ad partem ipsius ecclesie. Jta quod si aliquo tempore discordia uel Jntentio aduenerit eidem monasterio de suprascripto prato aliquo modo de suprascripto prato Jn toto uel in parte. defendere et guarentare habent ab omni contradicenti persona omni tempore cum Jure. Et Jnde posuerunt ei fideiussorem guilielmum de sunengo Jn penam dupli ipsius pretii ;
(S.T.) Ego Carleuarius notarius sacri palatii hanc cartam scripsi et tradidi ;