/131/
XIV.
Lanfranco, vescovo di Pavia, fa far copia di un breve di papa Alessandro III, in data 3 gennaio 1181, con cui è delegato a conoscere della causa fra il monastero di Fruttuaria e quello della Rocca (24 maggio 1182).
Fonti. — A. orig. in BRT, Perg. sec. XII, n. 28. — B. Ediz. parz. in , II, 1080, n. 1582. — C. Reg. in Jaffé-Löwenfeld, n. 14355.
(S.T.) Anno ab incarnacione domini nostri ihesu xpisti. Millesimo centesimo octuagesimosecundo. die lune nono kalendas iunii. Jndicione quintadecima. Dominus Lanfrancus dei gratia papiensis episcopus. precepit michi saraceno publico notario. vt rescriptum domini pape. quo sibi causam que inter abbatem et monachos fructuarienses. et moniales de rocca uertebatur com[m]isit auctenticarem et in publico scripto redigerem. Cuius rescripti series hec est. Alexander episcopus seruus seruorum dei. venerabili fratri. L[anfranco]. papiensi episcopo salutem et apostolicam benedictionem. Causam que inter dilectos filios nostros abbatem et monachos fructuarienses. et moniales de rocca super ipsa ecclesia uertitur. de assensu nuncii monialium et abbatis fructuariensis dum essent apud sedem apostolicam constituti. experientie tue duximus committendum. Mandamus itaque fraternitati tue. quatinus cum super hiis fueris requisitus. partes ante tuam presentiam conuoces. et recepta sufficienti cautione a sanctimonialibus quod tuo debeant stare iudicio. sententiam qua tenentur auctoritate nostra relaxes ; Deinde causam diligentius audias ; et appellatone remota canonico fine decidas. Si qua uero parcium legitime citata presentiam tuam adire. uel iudicio stare contempserit eam auctoritate nostra canonica seueritate percellas. quam absque satisfactione congrua non remittas. Datum Tusculani. iij. Nonas Januarii. Actum in palacio suprascripti domini episcopi feliciter. Suprascriptus dominus episcopus hanc cartulam fieri precepit ut supra. Jnterfuerunt Girardus de strata. burgundus de curte. et rainerius. Johannes de castronouo. atque petrus rogna testes.
/132/ (S.T.) Ego saracenus de burgo sacri palacii notarius precepto suprascripti domini episcopi hanc cartulam scripsi.