/132/
XV.
Lanfranco. vescovo di Pavia. attribuisce il possesso della chiesa di Santa Maria al monastero della Rocca contro le pretese abbate sic dell’abbate di Fruttuaria (24 maggio 1182).
Fonti. — A. orig. in BRT, Perg. sec. XII, n. 22. — B. Ediz. in M. h. p., Ch., II, 1097, n. 1595.
(S.T.) Anno ab incarnacione domini nostri ihesu xpisti millesimo centesimo octuagesimo secundo. Die lune nono kalendas iunii. Jndictione quintadecima. Jnter dominum henricum fructuariensem abbatem a parte ipsius monasterii ex vna parte. Necnon et dominam Stefanam prioriam sancte marie de rocca et eius sorores ex altera parte controuersia uertebatur. Nominatiue de ipsa ecclesia sancte marie de qua predictus abbas a parte fructuariensis monasterii per interdictum vnde vi. possessionem petebat. asserens ipsas monacas se de possessione expulsisse. Quod totum ipsa prioria et eius sorores penitus inficiebantur ; Set iuste ipsam tenere et possidere se pocius asserebantur ; Vnde Ego Lanfrancus dei gratia papiensis ecclesie humilis minister. A domino papa ad hanc causam cognoscendam. et fine Canonico decidendam delegatus. Visis et auditis et diligenter iuspectis Rationibus et allegationibus et dictis testium utriusque partis. et quia sufficienter videtur esse probatum ipsam possessionem per dominum astensem episcopum a domino papa delegatum sicut ex rescripto domini pape percepi. abbate sepius uocato et recusante uenire ipsis monicabus demum fuisse confirmatam. existentibus michi assessoribus Magistro bernardo papiensis ecclesie preposito et Magistro Ardicione lomellensi. atque Guidone de puteo et Aristanco legum peritis. et eorum ac aliorum prudentum virorum consiliis. quamquam abbas ante sententiam appellauerit et recesserit. quia tamen causa michi est appellatione remota commissa. ipso abbate contumaciter absente. prefatas monacas a suprascripta peticione possessionis suprascripti abbatis absoluo. et eandem ipsis monialibus possessionem presentialiter affirmo. Actum in ciuitate papia. in palacio suprascripti domini episcopi feliciteR. Suprascriptus dominus episcopus hanc cartulam fieri precepit vt supra. Jnterfuerunt Dominus vbertus de oleuano. dominus vasallus gerla. dominus albertus mangiauillanum. bernardus butigella. Caualcabos sclafentius; Galferius butigella. bernardus paucacaro ; bertramus filius iacobi desiderii(s); burgundus de curte; opico de ser asclerio. atque Rainerius tabernarius testes.
/133/ (S.T.) Ego saracenus de burgo sacri palacii notarius iussu suprascripti domini episcopi hanc cartulam scripsi.