E. Durando

Papa Lucio III conferma la sentenza di Lanfranco, vescovo di Pavia, nella causa fra l’abate di Fruttuaria e le monache di Santa Maria della Rocca (4 novembre [1182]).

Fonti. — A. L’orig. manca. — B. Ediz. in M. h. p., Ch., II. 1103, n. 1600. — C. Reg. in Jaffé-Löwenfeld, n. 14693.

Met. di publ. — Si riproduce B, con una correzione di formulario.

Lucius episcopus seruus seruorum dei. dilectis in xpisto filiabus.. priorisse et sororibus sancte marie de roca salutem et apostolicam benedictionem. Justis petentium desideriis facilem nos conuenit prebere assensum et uota que a rationis tramite non discordant effectu proseguente compiere. Eapropter dilecte in domino filie uestris iustis postulationibus grato concurrentes assensu. sententiam a uenerabili fratre nostro L[anfranco] papiensi episcopo de mandato felicis recordationis Alexandri pape predecessoris nostri inter uos et dilectum filium nostrum abbatem fructuariensem super ecclesia uestra cuius possessionem idem abbas sibi uendicare uolebat canonice latam sicut in scripto publico super hoc edito continetur deuotioni uestre auctoritate apostolica confirmamus et presentis scripti patrocinio communimus. Statuentes ut nulli omnino hominum liceat hanc paginam nostre cenfirmationis infringere uel ei ausu temerario (1) contraire. Si quis autem hoc attentare presumpserit indignationem omnipotentis dei et beatorum petri et pauli apostolorum eius se nouerit incursurum. Latum uelletri ii. nonas nouembris.