E. Durando

Cartario del monastero di Rocca delle Donne

Pinerolo 1908

/135/

XX.

Papa Lucio III concede al monastero di (La) Chaise-Dieu di appropriarsi le decime possedute dai laici nelle parrochie delle sue chiese e gli conferma la parrochia di Monferrato (31 marzo 1184).

Fonti. — A. L’orig. manca. — B. Copia autentica del notaio Giovanni Cappa, di (La) Chaise-Dieu, in data 17 ottobre 1316, in BRT, Perg. sec. XII, n. 44. — C. Ediz. in M. h. p., Ch., II, 1104, n. 1602. — D. Reg. in Jaffé-Löwenfeld, n. 15012, che cita C ed altra ed. in Mem. de Acad. de Clermont-Ferrand, XIX, 317.

Met. di publ. — Si riproduce B.

Lucius Episcopus seruus seruorum dei dilectis filiis.. Abbati et fratribus monasterii Casadei Salutem et apostolicam benedictionem. Consideratione tam Religionis quam paupertatis vestre inducimur ut in his que a nobis pro domus uestre necessitate requiritis placidi fauoris assensum benignitate apostolica largiamur. Hinc est quod asperitates et angustias uestri monasterij conoscentes presentibus vobis literis indulgemus ut decimas ecclesiarum vestrarum que a laycis Jure hereditario possidentur licite possitis de manu eorum suscipere. Jta ut de ipsis debitam obedientiam aut reuerenciam teneamini diocesanis episcopis exhibere. Preterea decimas quas in parrochiis ecclesiarum /136/ vestrarum per antiquam et racionabilem consuetudinem obtinetis perpetuo vobis habendas tenendasque concedimus. Statuentes ut de terris quas in parrochiis vestris colitis et de nutrimentis animalium vestrorum nomini decimas soluere debeatis. Jllud quoque auctoritate apostolica prohibemus ne quis in parrochia vestra montisferrati sicut a pie recordationis Alexandro papa noscitur institutum oratorium uel ecclesiam uobis inuitis edificare presumat. Nulli ergo omnino hominum liceat hanc paginam nostre prohibitionis et concessionis infrangere uel ei ausu temerario contraire. Si quis autem hoc attemptare presumpserit indignationem omnipotentis dei. et beatorum petri et pauli Apostolorum eius se nouerit incursurum. Datum Verulis. ij. kalendas aprilis.

Torna su ↑