E. Durando

Federico I, imperatore, prende sotto la sua protezione il monastero di (La) Chaise-Dieu con tutte le sue dipendenze ed il suo abate Lantelmo (3 novembre 1184).

Fonti. — A. L’orig. manca. — B. Copia sincrona in BRT, Perg. sec. XII, n. 10. — C. Ediz. in Böhmer, Acta Imp. ined., 142. — D. Reg. in Stumpf, n. 4393, con « 1184, ind. II ».

Met. di publ. — Si riproduce B, con una correzione indispensabile.

Fridericus dei gratia Romanorum Imperator et semper Augustus. Si ecclesiis et ecclesiasticis personis uiscera imperialis clemencie misericorditer apperimus profecto in eterna beatitudine peccatorum ueniam et remissionis graciam nos inde consecuturos speramus. Eapropter recensentes religiosam conuersationem monasterii de casadei ad instantiam precum Lantelmi eiusdem cenobii abbatis et conuentus sui. orationibus ipsorum in presenti uita et in futura desiderantes adiuuari ; notum facimus uniuersis imperii fidelibus presentibus et futuris. quod nos pro salute et remedio anime nostre Jdem monasterium et prefatum abbatem. et omnes ibi deo militantes tam futuros quam presentes. abbaciam et ecclesias. capellas et Grangias et omnes alias eorum possessiones. et omnia ipsorum bona mobilia et immobilia que nunc habent in imperio romano. et in posterum prestante domino iusto adeptionis tytulo sunt acquisituri. in protectiorem defensionis nostre suscepimus. et imperiali auctoritate eis confirmamus. Vt autem hec nostra confirmatio rata consistat et in euum inconuulsa permaneat : presentem inde paginam conscribi iussimus et maiestatis nostre sigillo communiri. Statuentes et imperiali auctoritate sancientes. ut nulla omnino persona. humilis uel alta. secularis uel ecclesiastica. hoc maiestatis nostre preceptum uiolare presumpserit nec aliquo temeritatis ausu perturbare Et qui fecerit cclx. libras auri puri pro pena componat /137/ dimidium fisco imperialis camere et reliquam passis iniuriam. Huius rei testes sunt. Conradus archiepiscopus Maguntinus. Robertus archiepiscopus viennensis. episcopus Vapincensis. Otto episcopus Babenbergensis. Euerhardus episcopus merseburgensis. Omnebonum episcopus veronensis. Bertramus episcopus metensis. Gotefridus imperialis cancellarius. Rodulfus prothonotarius. Lodovicus thoringie Langrauius. Bertoldus marchio de audehs. Obezo marchio de est. henricus comes de Uichese. Geraldus comes de lon. henricus burgrauius (1) Ratisbonensis. Wernherius de Bonlandia. Rodulfus camerarius. et alii quamplures. Data verone apud sanctum çenonem. Anno dominice incarnacionis. m. c. lxxx^oiiij^o. Jndictione iij^a. iij^o nonas Nouembris.