E. Durando

Aliprando, abate di San Pietro in Ciel d’oro e delegato apostolico [per lettera di papa Onorio III, ivi inserta], accoglie l’appello del monastero della Rocca contro la sentenza di Vercellino Scutario, arcidiacono di Vercelli, riguardo alla decima di Stafila (27 agosto 1218).

Fonti. — A. orig. in BRT, Perg. sec. XIII, n. 113.

(S.T.) Anno dominice natiuitatis. millesimo. Ducentesimo Octauodecimo. Die lune Sexto Kalendas Septembris. Jndicione Sexta Jn papia. inter presbiterum Loterium plebanum Sancti germani de palaçolo nomine ipsius ecclesie ex parte una. et Symonem conuersum et sindicum ecclesie sancte marie de rocha nomine ipsius ecclesie ex altera sub examine domini vercellini scudarii vercellensis archidiachoni ex delegatione domini hugonis venerabilis uercellensis episcopi cognoscentis questio uertebatur. in qua dictus plebanus sancti Germani nomine ipsius ecclesie ab eodem sindico nomine suprascripte ecclesie de rocha petebat certam quantitatem blaue pro decima retenta vnius brayde que appellatur brayda de stafila. dicendo braydam illam esse in decimatione et de decimatione illius ecclesie de palaçolo. Cui respondebat sindicus ex aduerso nomine illius ecclesie de rocha. se non credere predictam braydam esse de decimatione et in •decimatione de palaçolo. Set dicebat eam esse de decimatione et curte tridini. Jn qua causa dictus dominus Archidiaconus predictum sindicum nomine ipsius ecclesie de rocha condempnauit dicto plebano de palazolo nomine ipsius ecclesie ut soluat eidem plebano nomine ipsius ecclesie Sex modios sicalis ad quantitatem pro decima ipsius brayda retenta. A qua sententia fuit ex parte suprascripte ecclesie de rocha ad sedem apostolicam appellatum. Super qua appellatione dominus papa nobis Aliprando dei gratia monasterii sancti Petri in celo aureo abbati tales literas destinauit. Honorius episcopus seruus seruorum dei. Dilecto filio.. abbati sancti petri in celo aureo (1) papiensis. /152/ Salutem et apostolicam benedictionem Ex parte monasterii sancte marie de rocha fuit propositum coram nobis. quod cum inter ipsum et ecclesiam de palaçolo vercellensis diocesis coram archidiacono uercellensi non ex delegatione apostolica super quibusdam decimis questio uerteretur. idem contra monasterium ipsum diffinitiuam sententiam promulgauit iniquam a qua fuit ad nostram audientiam appellatum. Jdeoque discretioni tue per apostolica scripta mandamus quatinus legitime in appellationis causa(m) procedens sententiam ipsam confirmare uel infirmare appellatione remota procuretis sicut de iure fuerit faciendum. Datum laterani ij Jdus septembris pontificatus nostri anno secundo. Nos uero citatis partibus legit(t)ime idest plebano et presbitero michaele modo sindico suprascripti monasterii de rocha et omnibus rite et sollempniter actis. uisis et auditis rationibus allegationibus et attestationibus utriusque partis tam pro sententia quam contra sententiam. habito quoque uirorum iuris per(h)itorum Consilio auctoritate domini pape qua fungimur per diffinitiuam sententiam iudicamus bene appellatum et male iudicatum. pronunciantes predictam sentenciam domini vercellini iniustam esse et ipsum syndicum monasterii de rocha nomine ipsius monasterii adsoluimus (sic) a predicta petitione suprascripti plebani. Jnterfuerunt dominus Guillelmus abbas de bergolio. magister Rufinus de sparoario. dominus prepositus canonice sancti petri. albertus de cliçano. Bobertus sartor et plures alii testes.

(S.T.) Ego Oto michaelis Sacri palacii notarius Jnterfui et hanc cartulam subscripsi. (S.T.) Ego iohannes treçius notarius sacri palacii iussu ottonis michaelis hanc cartam scripsi.