E. Durando

Papa Onorio III conferma la sentenza pronunciata dal prevosto di San Giovenzo di Pavia pel monastero della Rocca (20 marzo [1219]).

Fonti. — A. orig. in BRT, Perg. sec. XIII, n. 108. — B. Ediz. in M. h. p., Ch., II, 1292, n. 1763, colla data errata 1218.

Honorius (1) episcopus seruus seruorum dei. Dilectis in xpisto filiabus.. Priorisse ac monialibus Monasterij Sancte Marie de Rocca. vercellensis diocesis. Salutem et apostolicam benedictionem. Cum a nobis petitur quod iustum est et honestum tam uigor equitatis. quam ordo exigit rationis ut id per sollicitudinem officii nostri ad debitum perducatur effectum. Sane cum sicut uobis referentibus intelleximus venerabilis frater noster.. vercellensis episcopus monasterium uestrum subicere sibi uolens ad.. Archipresbiterum Nouariensem et suos coniudices contra uos super hoc quasdam a nobis litteras impetrasset et uos ab eis ex sufficienti grauamine appellantes causam huiusmodi.. preposito maioris ecclesie et.. Priori sancti Saluatoris Papiensis a nobis obtinueritis delegatam. demum lite coram eisdem indicibus contestata. et prefato priore committente.. Sancti Juuentij Papiensis preposito uices suas dicti prepositi utriusque partis rationibus intellectis diffinitiuam pro uobis sententiam exigente iusticia protulerunt quam apostolico petistis munimine roborari. Nos autem uestris iustis precibus /154/ inclinati. sententiam ipsam sicut est iusta. nec legitima prouocatione suspensa auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre confirmationis infringere uel ej ausu temerario contraire. Si quis autem hoc attemptare presumpserit. indignationem omnipotentis dej et beatorum Petri et Pardi apostolorum ejus se nouerit incursurum. Datum Laterani xiii kalendas Aprilis. Pontiflcatus nostri Anno Tertio.