E. Durando

Guglielmo [VI], marchese di Monferrato, conferma le donazioni fatte al monastero della Rocca dai suoi antecessori e da Agnese contessa di Monferrato, ed i possessi di Rocca, Maranzana, Solonghello, Castellaro, Grafagno, Moncalvo, Guazzolo, Cairano e terre di qua e di là del Po (12 agosto 1224).

Fonti — A. L’orig. manca. — B. Copia autentica in BRT, Perg. sec. XIII, rotolo n. 143.

[S.T.] Anno dominice Jncarnacionis Millesimo ducentesimo vice(s)simo quarto Jndicione duodecima Die lune. xij. die augusti. Coram testibus Jnfrascriptis. Jn lobia palacii montiscalui. Jn nomine domini Amen. Quia dominus Vulielmus marchio montisferrati cognouit per publica Jnstrumenta facta videlicet vnum a magistro scopulo Jn /157/ anno domini Millesimo clxvij die nono kalendas martii Jndictione xv. exemplatum a dicto magistro scopulo et traditum et scriptum a Carlo notario Jn quo continetur quod dominus Vuilielmus condam marchio montisferrati fecit inuiolabile(m) Judicatum ecclesie sancte marie de la rocha. Secundum facto a dicto magistro scopulo notario Jn Anno currente Millesimo Centes(s)imo lxxxv. tercio kalendas Se[p]tembris Jndictione tertia. videlicet quod dominus Conradus et dominus Bonefacius fratres filij condam marchionis montisferrati confirmauerunt et concesserunt domine Stephane priorie sancte marie de la rocha et omnibus suis successoribus quicquid pater eorum condam Vullielmus marchio Judicauit Jamdicte ecclesie sancte marie de la rocha. Tertium factum a Carlo notario. Jn Anno Millesimo Centesimo sexages(s)imoseptimo decimo kalendas marcij Jndictione xv. De omni eo quod dominus marchio Judicauit et confirmauit dicte ecclesie sancte marie de la Rocha. Quartum factum a notario Jn Anno Millesimo Ducentesimo sesto Jndictione nona die veneris que erat dies decima kalendas madij de omni eo quod dominus Vullelmus marchio montisferrati consensu et voluntate domine Agnetis comitisse montisferrati pro mercede Animarum eorum dedit et Jnuestiuit ecclesie sancte marie de la Rocha concessione et donatione. Judicatu et confirmatione et Jnuestitura Jtem de omni eo quod continetur siue non continetur Jn predictis Jnstrumentis. Jnsuper dictus Vullielmus marchio montisferrati confirmauit et concessit ecclesie sancta marie. de la rocha totum hoc quod dicta Agnex comitissa montisferrati emit per alodium a Saglico fugaça et a bertoloto a Vullielmo et a bonefacio et a Rainerio sicut continetur Jn charta Jnde facta ab henrico notario Jn Anno currente Millesimo ducentesimo nono Jndictione secundadecima die dominico quinto die Aprilis. Jtem predictus dominus Vullielmus marchio montisferrati filius condam domini bonefacij omnia ea que continentur siue non continentur Jn predictis Jnstrumentis quas et que visa sunt tenere et possidere concessit et confirmauit et ratum et firmum habere vult. Jnsuper prefatus dominus Vullielmus marchio montisferrati dedit et concessit et confirmauit domine Agneti priorisse eiusdem monasterii et ecclesie sancte marie de la Rocha nomine et vice eiusdem monasterij de toto hoc quod dicta prioria et nuncii et conuersi uel aliquis homo nomine et vice Jamdicti monasterij et dicte ecclesie sancte marie de la Roca tenent et possident et vise sunt tenere et possidere Jn villa et in curte et poderio de la Roca cum toto Ronco et cum toto oliuerio et cum fodro et cum albergaria et cum omnibus aliis seruitiis et cum omnibus pertinentiis et Jn villa camini et poderio Et Jn marençana cum omnibus pertinentiis /158/ et Jn matasco cum omnibus pertinentiis suis. Et Jn solongello cum omnibus pertinentiis suis Et Jn castellano et Jn grafagno et in toto poderio montiscalui et Jn eius curte cum omnibus pertinentiis suis Et Jn goazolio cum omnibus pertinentiis suis et Jn carano et Jn omnibus aliis locis et in toto suo poderio et districtu et Jurisdictione prenominati domini Vullielmi marchionis montisferrati citra padum et ultra padum et Jn omnibus aliis sue terre et districtus et totum illud quod dehinc Jn antea aquisierit et aquirere poterit ex donatione uel emptione siue ex legato uel testamento seu aliquo alio modo quod dehinc Jn antea teneant et possideant cum omni honore et districtu libere et sine aliqua exactione et requisitione. Jta quod ipse dominus Vullielmus marchio nec sui heredes nec sui nuncij possint nec debeant molestare nec contradicere nec Jnquietare nec aliquid aliud Jn predictis omnibus rebus dehinc Jn antea petere nec facere set faciant de predictis omnibus quicquid facere voluerint sine contradicione Jamdicti domini Vullielmi marchionis montisferrati suorumque heredum et nunciorum Et si aliquis contraueniret promixit defendere et manutenere per omnia vt supra legitur. Et hec omnia predicta dictus marchio fecit ad honorem dei et beate marie virginis et omnium sanctorum atque sanctarum Et ad consolacionem et Remedium anime sue et antecessorum suorum promit[t]endo per stipulationem quod non ueniet contra per se neque per suos nuncios neque per submissam personam set tacitus et contentus permanebit omni tempore per se et suos heredes et nunciorum suorum [sic] per omnia ut supra legitur et quod semel voluit unquam vendicare valeat nec Jnfringere sed hec carta et omnia predicta semper rata permaneant inconuulsa cum stipulacione subnixa. Dictus dominus Vullielmus marchio hanc cartam fieri Jussit vt supra legitur. Jnterfuerunt testes rogati dominus Oto de Marca nepos domini marchionis. Comes Roglerius. dominus Jacobus de grafagno. Jacobus de Sunengo. Obertus filius domini Arpini de Valentia. Petrus de nono. Jacobus bucimagnus de casali. presbiter petrus capellanus domini marchionis.

Ego Jordanus pellerius notarius hanc cartam Jussu suprascripti domini marchionis scripsJ.