E. Durando

Elena, priora della Rocca, permuta terre in Montaldo con Anselmo Mo e Vercellina, moglie di lui (6 ottobre 1233).

Fonti. — A. orig. in BRT, Perg. sec. XIII, n. 115.

Osservaz. — Il 6 ottobre 1233 era di giovedì, non di mercoledì.

(S.T.) Anno dominice Jncarnacionis Millesimo ducentesimo trices(s)imotercio Jndicione sexta. die mercurii vi. die Octubris. ad grandiam de guaçolo. Coram testibus infrascriptis domina helena priori(s)a monasterii sancte marie de rocha nomine ipsius monasterii consensu et voluntate domine valent et domine dogle et domine arguenne monache (sic) eiusdem monasterii et fratris Jacobi Bindrolii. fratris Oberti grangerii de guaçolo. fratris alberti grangerii marençane et fratris /165/ Willelmi conuersi eiusdem monasterii. ex una parte et anselmus mo de montaldo filius condam Otonis de montaldo simul cum vxore sua vercellina que renunciat omni suo Juri ypotecarum et senatusconsulto velaiano ex altera parte Cambium et commutacionem fecerunt ad inuicem Jnter sese nomine dicti monasterii dicta priori(s)a et dicti Jugales per se Jn primis dicta domina prioria dicto nomine dedit Jn cambium dictis Jugalibus pecias sex de terra et totum illud boscum quod est ultra canpacium quem habuit michel borello. prima quarum Jacet ubi dicitur ad vineam de montaldo et ad canpaçum Coheret prime pecie terre Johannes mutus de alfiano. Oglerius de montaldo. Bertramus et Oliuerius filii condam bertini et est starii tres et est alodium. secunda pecia Jacet ibidem aleare Coherent dicti fratres et castagnetum de marchone et est modium et staria vii. tercia pecia uero Jacet ubi dicitur a la camera coheret Jdem anselmus vndique que est alodium et staria xii per mensuram. quarta pecia Jacet ubi dicitur in montaldo coheret Oracius de montaldo duabus partibus. idem anselmus oglerius de montaldo. que est staria duo et tabule sex et est alodium. quinta pecia Jacet ubi dicitur a le are coheret idem anselmus tribus partibus et via et est staria iiij^or de qua debet dare tercium grandie de guaçolo tam de groso quam de minuto. sesta pecia Jacet ubi dicitur ad campaçum coheret Oglerius de montaldo tribus partibus et oracius que est staria vii et debet dare tercium dicte grandie similiter de groso et de minuto. Versa vice dicti Jugales dederunt in cambium prefate domine priorie predicto nomine iiii^or pecias de terra et duas de bosco et Jacet in montaldo. prime pecie nemoris coheret grandia de guaçolo tribus partibus et via. secunda pecia nemoris Jacet ubi dicitur a la morera coheret dicte grandie et est sine mensura. prima pecia terre Jacet a ysula ubi dicitur aqua puria coheret terra grandie duabus partibus. aleramus et riuus de aqua puria. et est staria x. secunda pecia terre Jacet ibidem ubi dicitur Riuum de aqua puria. coheret dominus Manfredus de alfiano. dominus henricus de monbusero et Riuus et est staria viii. tertia pecia Jacet ad Jnlixetum coheret alexiiis de alexio cum fratre tribus partibus et est staria sex et tabule vj. quarta pecia iacet ubi dicitur in la colla coheret terra grandie vndique et est staria xv de qua terra Oglerius de montaldo renunciat omni suo Juri et rationem realem et personalem quod et quam habebat uel habere seu exigere possit in predicta terra aliquo modo. Jn qua terra dicta domina priori(s)a dimisit et laxauit atque renunciauit dicto anselmo denarium. i. papiensem de pecuniis de illis quas ipse dicto monasterio seu dicte grandie [dare debebat] omni anno ad festum sancti martini nomine ficti. quem deinde debet dare illis de sancto Januario. Eo modo /166/ fecerunt dictum canbium quod prefata domina priori(s)a nomine dicti monasterii et dicte grandie successoribus et succetricibus siue cui dederint et dicti Jugales per se et per suos heredes et cui dederint faciant de suo canbio Jure proprietario nomine ut dictum est superius. soluendo tercium et alia dicti Jugales. et faciant quicquid facere voluerint cum accessionibus et Jngressionibus et vniuersis suis pertinenciis per omnia vt supra legitur in integrum. et promisit et conuenit dicta domina prioria dicto nomine suprascripti monasterii per se et pro suis succetricibus et successoribus nomine et a parte dicti monasterii dictis Jugalibus et dicti Jugales per se et per suos heredes promiserunt et conuenerunt stipulatione prenominate domine priorie nomine et vice monasterii predicti et dicte grandie defendere guarentare disbrigare restituere una pars alteri parti vicissim in pena dupli ab omni homine cum racione per omnia vt supra legitur in integrum sub pena posita de libris. x. papiensium ab vtraque parte rato manente pacto obligando vna pars alteri omnia sua bona pignori et dicta prioria bona dicti monasterii et Jurauit ad sancta dei euangelia dictus anselmus per se et parabola vxoris sue vercelle attendere et obseruare per omnia vt supra legitur in integrum et non contrauenire. Jnterfuerunt testes Oglerius de montaldo. Oracius picus. vhsonus de tritino. Bonellus de castagneto. et Jnde due carte vno tenore scripte fuerunt. Ego Jordanus pelerius notarius hanc cartam Jussu predictorum et domine priorie scripsi.