E. Durando

Martino, [vescovo] eletto di Vercelli, col consenso del suo Capitolo, sottopone al monastero della Rocca la chiesa di Santa Maria dei Campi di Torcetto coi suoi possessi (13 luglio 1247).

Fonti. — A. orig. in BRT, Perg. sec. XIII, n. 120.

Martinus (1) diuina patientia humilis Electus vercellensis vniversis presentem paginam inspecturis Salutem et eternam in domino caritatem Jntendentes utilitati Ecclesiarum nostre diocesis ac religionem cupientes in domo domini ampliare de consensu totius Capituli vercellensis subiectimus plenarie Ecclesiam Sancte marie de campis Torcelli /175/ diocesis vercellensis cum terris et possessionibus omnibus et rebus singulis tam mobilibus quam immobilibus ad ipsam Ecclesiam Sancte Marie pertinentibus monasterio Sancte Marie de Rocca nostre diocesis. ut tam ipsa Ecclesia Sancte Marie de campis quam possessiones et res omnes ipsius Ecclesie suprascripto monasterio de Rocca plenarie et in omnibus sint subiecte. Saluo tamen iure in Ecclesia ipsa Sancte Marie de campis nostro et successorum nostrorum et ecclesie vercellensis cui dicta Ecclesia in omnibus sit subiecta (2). Ad hec laudamus confirmamus et approbamus testamentum siue ultimam uoluntatem domini Saliemboni quondam Canonici vercellensis qui multa bona et possessiones plures suprascripte Ecclesie Sancte Marie de Campis legauit atque Judicauit ut de cetero im perpetuum uoluntas eiusdem domini Saliemboni conseruetur illesa et inuiolabiliter de cetero ab omnibus teneatur. Et [ut] predicta omnia robur maioris firmitatis optineant presens scriptum sigilli nostri munimine fecimus roborari. Datum Vercellis millesimo Ducentesimo quadragesimoseptimo die terciodecimo mensis Julij. (3) ＋ Ego Guala Archidiaconus me subscripsi consenciens. ＋ Ego Guillelmus Archipresbiter consenciens me subscripsi. ＋ Ego Guialardus thesaurarius vercellensis subscripsi. ＋ Ego Rufinus de ast cantor uercellensis subscripsi. ＋ Ego fredericus cantor consenciens me subscripsi. ＋ Ego Jacobus scutarius diaconus consenciens me subscripsi. ＋ Ego bertolinus de blandrato diaconus consenciens me subscripsi. ＋ Ego Guala de guialardis canonicus vercellensis consentiens me subscripsi. ＋ Ego Guilelmus scutarius acolitus consenciens me subscripsi. ＋ Ego bertolinus de iulio preue (sic) consenciens me subscripsi. ＋ Ego Johannes de montecaprello subdiaconus consentiens me subscripsi. ＋ Ego manardus subdiaconus consenciens me subscripsi. ＋ Ego Jacobus carraria diaconus consenciens me subscripsi. ＋ Ego Guido de sesso acolitus consenciens me subscripsi. ＋ Ego Albertus cocorella subdiaconus consentius me subscripsi. ＋ Ego dauid de fabiano canonicus consentiens me subscripsi.