E. Durando

Cartario del monastero di Rocca delle Donne

Pinerolo 1908

/188/

LXVI.

Enrico Brera, di Castel San Pietro, ed Elena, sua moglie, vendono a Martino Corbellario, pure di Castel San Pietro, quattro terre ivi soggette a censo verso il monastero della Rocca (10 maggio 1284).

Fonti. — A. orig. in BRT, Perg. sec. XIII, n. 119.

(S.T.) Anno Natiuitatis domini milleximo Ducentesimo lxxxiiij. Jndicione xii die mercurii x mensis maij Henrichus Brera de Castro sancti petri qui nunc habitat in tridino fecit uendicionem et datum Martino corbellano de Castro sancti petri de omni vtili dominio et melioramento quod et quam dictus henricus habebat et sibi modo aliquo pertinebant in infrascriptis peciis prati Reiacentibus in curia et territorio ibi ubi dicitur in Oliuerio prime quarum coheret ab una parte Girardus tauanus ex duabus partibus facius çouarius de piaçano et sui consortes. Secunda Jacet Jbidem cui coheret ab una parte idem emptor ab alia peronus filius condam Girardi de la rocha ab alia /189/ bergonç Scamuçonus et fratres Tercie coheret ab una parte ipse emptor ab alia predictus peronus ab alia boninus çouarius et consortes. Quarte pecie coheret ab una parte ipse emptor ab alia facius çouarius et consortes ab alia Niger de Capra. quantascumque predictas pecias (sic) prati inueniri potuerint in hac permaneat vendicione et dato saluo tamen Jure et tercio quod inde datur et prestatur in perpetuum quolibet anno monasterio de la rocha cum alio Jure spectante eidem monasterio de predictis pratis Jta quod predictus Martinus et sui heredes et successores et cui dederint predicta omnia vendita cum omnibus accessibus et ingressibus finibus et terminis superioribus et inferioribus ut supra terminatum est habeant teneant et goldiant et de eis et qualibet earum faciant quicquid tacere uoluerint sine contradicione dicti henrici eiusque heredum et successorum et cuiuslibet alterius persone promit[t]endo predictus henricus pro se et suis heredibus eidem martino predicta vendita ut supra defendere guarentare et disbrigare ab omni persona et personis comuni collegio et vniuersitate suis sumptibus et dampnis et eidem reddere uacuam et expeditam et corporalem possessionem de predectis uenditis quod si non fecerit aut noluerit promisit eidem martino restituere omnia dampna et omnes expensas quas inde faceret et sustineret si de predectis uenditis in toto uel in parte idem martinus foret appellatus inquietatus seu remotus et de Jure conuictus usque ad extimacionem rei euicte Secundum quod res pro tempore fuerit meliorata aut plus ualuerit sub extimacione in consimili loco obligando pignori inde dicto martino omnia bona sua habita et habenda denunciando omni producioni testium Jnsuper dictus henricus cessit dedit transtulit et mandauit ipsi martino omnia sua Jura omnesque actiones reales et personales vtiles et directas et mistas eidem henrico pertinentes et pertinencia in predictis venditis Jta quod idem martinus sit in eius loco agendo tenendo defendendo possidendo faciendo goldiendo et omnibus aliis modis faciendo sicut predictus henricus antea facere poterat Constituendo eum procuratorem tamquam in rem suam Preterea ipse uenditor se constituit nomine ipsius martini possidere dando eidem licentiam ut sua auctoritate qua hora uoluerit ingrediatur et apprehendat corporalem possessionem de hiis uenditis sine contradicione dicti venditoris et cuiuslibet alterius persone pro qua vendicione et dato et cessione dictus henricus fuit confessus et contentus se recepisse et habuisse a predicto martino solidos trigintanouem papiensium Rinunciando exceptioni non recepte et habite pecunie et spei receptionis future et renunciando ne possit dicere uel opponere se fore deceptum ultra dimidiam Justi precii. Preterea /190/ Elena vxor predicti henrici de parabola et consenso dicti viri sui et sua sponte non coacta predicte uendicioni consensit et eam Ratificauit renonciando Juri sibi competenti et competituro in predictis uenditis occasione dotis sue uel alia occasione. Confitendo et protestando dicta Elena se bene esse totam de dote sua et suam dotem habere alibi silicet in loco Tridini et renonciando ne possit dicere uel opponere sic uerum non esse et renunciando Juri ypotecarum et auxilio senatusconsolti uel[l]eiani et generaliter omnibus aliis Juribus exceptionibus et defensionibus quibus contra predicta uel aliquod predictorum se tueri possit et contra uenire Renunciando omni priuilegio fori omnique defensioni [et] productioni Actum Jn tridino Coram Testibus Marcho de Clara de tridino et Jacobo de Castro sancti petri fratre predicti henrici.

(S.T.) Ego Vercellinus de Cantauena Notarius Tridinensis Jnterfui et scripsi.

Torna su ↑