/191/
LXVIII.
Il signor Giacomo Fantino, giudice e vicario generale, fa far copia di lettera di Guglielmo, marchese di Monferrato, con cui si proibisce a quei di Cantavenna e di Gabiano di recar danno al monastero della Rocca (18 maggio 1287).
Fonti. — A. orig. in BRT, Perg. sec. XIII, n. 128.
(S.T.) Anno natiuitatis domini Millesimo cclxxxvij. Jndicione xv. die dominico xviij mensis madii. Jn castro montiscalui presentibus Guillelmo de albertino. Seçono merçario. et domino anrico de mirolio testibus ad hec uocatis. Dominus Jacobus fantinus Judex et Domini Guillelmi illustris marchionis montisferrati vicarius generalis precepit mihi Botacio de botaciis notario infrascripto quatenus infrascriptas literas sigillatas sigillo dicti domini marchionis autenticarem et in publicam formam instrumenti redigerem ad eternam rei memoriam tenor quarum talis est et hoc ad peticionem domini vgonis prioris de la rocha. Guillelmus marchio montisferrati sapienti viro domino. Jacobo Fantino fideli vicario suo cum sincera dilectione salutem. Querelam a domino vgone priore nostri monasterii de la rocha et a dominis de mirolio recepimus continentem quod homines et mulieres de cantauena armata manu intrauerunt moltam et vliuerium de rocha et ibi unum conuersum et plures domesticos ipsius monasterii percusserunt et uulnerauerunt incognita racione. et homines de Gabiano intrauerunt terram dominorum de mirolio et expulserunt homines de mirolio de pratis eorum minando eis malo modo uolendo ipsos interficere et clamando ad mortem. et nisi in fugam rapuissent in magna quantitate ipsorum interfecissent. quare uobis percipiendo mandamus quatenus ab illis de cantauena securitatem librarum ccc astensium et ab illis de Gabiano similiter de libris ccc astensium ad presens uis(s)is presentibus literis accipietis dantes eisdem in mandatis ut sub pena cuilibet comuni librarum C. et singulari persone librarum. x. (ut) ab offensionibus predictorum se de cetero debeant abstinere et non intrare in confines predictorum in vliuerio nec molta. et de predictis inquiratis diligenter ueritatem et procedatis super predictis secundum quod de Jure fuerit procedendum. Datum clauaxii xvii madii
Ego Botacius de botaciis de alex[andria] sacri palacii notarius predictas literas precepto dicti vicarii auctenticaui.