E. Durando

Cartario del monastero di Rocca delle Donne

Pinerolo 1908

/192/

LXIX.

Il messo del vicario marchionale riferisce di aver presentate lettere al signor Giacomo di Galiano per far cessare le molestie degli uomini di Galiano e di Cantavenna verso il monastero della Rocca (19 maggio 1287).

Fonti. — A. orig. in BRT, Perg. sec. XIII, n. 128.

(S.T.) Anno natiuitatis domini Millesimo. cclxxxvij. Jndicione xv. die lune xviiij mensis madii. Coram domino Jacobo fantino Judice et domini Guillelmi illustris marchionis montisferrati vicario generali presentibus Seçono merçario Bonifacio de alagnino et Johannino de cressa testibus ad hec uocatis. Conradus de serra nuncius predicti domini vicarii retulit dixit et protestatus fuit se ex parte dicti domini vicarii presentasse literas infrascripti tenoris domino Jacobo de gabiano tenor quarum talis est. Jacobus fantinus Judex et domini Guillelmi illustris marchionis montisferrati vicarius generalis prudenti viro domino Jacobo de gabiano. ac eiusdem loci Consilio et comuni salutem et dilectionem sinceram Noueritis nos a predicto domino marchione speciales literas recepisse continentes quod recepit querelam a domino vgone priore de la rocha et monasterii quod homines Gabiani et mulieres uidelicet de loco cantauene manu armata intrauerunt moltam et vliuerium de la rocha incognita racione et ibi unum conuersum. et plures domesticos ipsrus monasterii percusserunt et uulnerauerunt. quod predicto domino marchioni et nobis uidetur grauissimum et iniquum volentes igitur mandata et literas dicti domini marchionis adimplere uobis domino Jacobo et dicto comuni ex parte domini marchionis et nostri districte precipiendo mandamus. quatenus in dictam moltam nec vliuerium non intretis nec in ipsis intromit[t]ere debeatis nec dictum monasterium in aliquo ag[g]rauare cum dicta molta et vliuerium sint Juris dicti monasterii. prout dominus prior coram nobis asseruit per publicum instrumentum. et predicta actendere debeatis sub pena librarum. d. pro domino Jacobo. et librarum. d. pro comuni Gabiani. et librarum xxv pro qualibet singulari persona loci gabiani. Datum in montecaluo die dominico xviij madii et inde hanc cartam fieri precepit ut supra.

EGo Botacius de botaciis de alex[andria] sacri palacii notarius hanc cartam mihi iussam scripsi.

Torna su ↑