/30/
24. Æcclesia de Altis Arboribus.
902, juin.
Locum sacrum sanctæ Dei æcclesiæ qui est situs in pago Ruthenico super alveum Dordonis, et est fundatus in honore domini nostri Jhesu Christi seu sancte Marie virginis et sancti Petri principis apostolorum necnon et clavigeri, ubi sanctus Vincentius et sancta Fides tumulati consistunt. Quamobrem ego, in Dei nomine, Ricardis femina cedo vel dono ad præfato monasterio cujus vocabulum est Conchas, ubi Arlaldus abba præesse videtur cum cuncta congregatione ibidem Deo famulantes, cedo vel dono alodem meum, oc est illa ecclesia de Altos Arbores qui est consecrata in honore sancte Marie, quantum in illa curte de Altos Arbores visa sum habere vel possidere, cum mansos, cum villas, cum vineas, cum pratis, cum ipso boscos, cum farinariis, cum terras cultas et incultas vel cum omnibus ajacentiis suis, vel quantum ad ipsum alodem aspicit vel aspicere videtur, quistum → Gloss. quistum vel adinquirendum est, totum et abintegrum cedo vel dono ad ipsa jam dicta casa Dei vel ad ipso rectore nec non ad ipsos Deo servientes, excepto duos mansos de Las Soz et vineas de Bruno Issarto quæ laxo ad sorrore mea Allingardis. Et hoc laxo pro /31/ anima mea et pro peccatis meis et pro anima Hictore patre meo et pro anima Hictore filio meo et pro anima Umberto seniore meo et pro anima Raimundo seniore meo et pro anima Isalgaro seniore meo, in tale racione ut, si ullus homo de commuia → Gloss. commuia tulerit, veniat Hictor filius meus et donet ad ipsos sanctos xii denarios et teneat, ita ut post hanc diem, teneatis, possideatis et quicquid facere volueritis faciatis.
Facta carta cessione ista die lunis, in mense junio, anno iiii regnante Karolo rege. — S. Ricardis femina qui carta cessione ista scribere vel adfirmare rogaverit. S. Sigerio. S. Odalrico. S. Stephano. S. Rainono. S. Aldegerio. — In Dei nomine, Adalgerius rogatus scripsit.