/107/
116. De Mala Padella.
904, octobre.
Locum sacrum sanctæ Dei æcclesiæ qui est situs in pago Ruthenico super alveum Dordonis, et est fundatus in honore domini nostri Jhesu Christi seu sanctæ Marie virginis et sancti Petri principis apostolorum necnon et clavigeri, ubi sanctus Vincencius et sancta Fides tumulati præesse videtur. Ego enim, in Dei nomen, Stephanus cedo vel dono illo meo alodo de Malapadella, cum ipsa mansione et cum ipso orto, quantum ibi visus sum habere vel possidere totum et abintegrum cedo vel dono sancti Salvatoris et sancta Fide, pro anime meæ; et teneant monachi in comunia. Et si ullus homo est qui donare voluerint, veniant unus de propinquis meis et donent in denariadas → Gloss. denariadas de cera sancti Salvatoris et sancta Fide et recipiant ipso alodem, sine ullo contradicente in omnibus sane. Si quis ego, emutata voluntate mea, aut ullus homo aut ulla persona qui contra carta donacione ista ire aut agere voluerit, hoc eis non liceat facere nec licentiam non habeant ad faciendum, sed faciant quod lex est.
Facta carta donacione ista die dominico, in mense octubrio, anno vi regnante Karolo rege. — S. Stephano qui carta donacione ista scribere vel adfirmare rogaverit. S. Giraldo. S. Autberto. S. Lautelmo. S. Austrino. S. Abono. — Benedictus scripsit.