Desjardins

Cartulaire
de l’Abbaye de Conques
en Rouergue

/166/

195. De Podio.

1065-1087, 25 octobre.

In nomine domini nostri Jhesu Christi. Ego Adalaiz dono domino Deo sanctoque Salvatori, sancteque Fidei, et abbati Stephano et monachis tam presentibus quam et futuris monasterio Conchacensis illum mansum de Podio, cum sua integritate et melioracione et pertinencia, qui est in parrochia Montiniacho, qui michi advenit pro hereditate parentorum meorum, sicut Willelmus et Raimundus filii mei donaverunt et dimiserunt sancto Salvatori et sanctæ Fidei in peregrinatione sancti Sepulchri ad obitum illorum, presentibus multis nobilibus viris, scilicet Girberto de Vig et Aicardo de Cormol et Gauzfredo de Monte Arnal et Willelmo Poncio et plurimis aliis qui in eadem peregrinacione erant, pro remedio et salute anime mee et animarum eorum. Si quis parentum aut heredum meorum contra hanc donacionem vel manu missionem filiorum meorum voluerit insurgere vel, instigante diabolo et superbia sua, a monasterio predicto voluerit auferre, sit exheredatus et alienus de omni honore et hereditate mea, et insuper componat monasterio Conchacensi cui injuriam fecerit omnia tripliciter, et in antea firma et stabilis hec donacio vel manu missio permaneat omni tempore.

Facta conscripcio hec viii kalendas novembris, regnante Philippo rege. — S. Adalaiz qui hanc donacionem vel manumissionem firmavit et testibus firmare jussit. S. Girberti, Aicardi, Gauzfredi, Willelmi, Hugonis, Austrini, Bernardi, Ottonis, Bernardi, Petri Arnal. — Durannus scripsit.