/277/
364. De Gordecias.
xie siècle.
Ego Rigualdus Ermenrigus cedo vel dono illo alode meo de Gordecias, hoc est unus mansus, sancti Salvatoris et sancte Fide, ubi Rodbertus Guislandus visus est manere, cum terras cultas et incultas; in tali vero racione ut, quamdiu ego vivo, teneam ipsum alodem et omnibus annis vitæ meæ ego Rigualdus dabo unum denarium aureum, et post mortem meam iste mansus supra scriptus sancte Fide remaneat. Si autem frater meus aut filius meus de uxore ipsum alodem tenere voluerit aut nepus meus filius de fratre meo sive de sorore mea, donet sancti Salvatoris et sancte Fide sexaginta solidos de Pogesos et teneat ipsum alodem. Et si sexaginta solidos unus de isto sancte Fide pro isto manso dare voluerit, teneat sancta Fides ipsum alodem, sine ullo contradicente in omnibus sane. Et istam cartam ego Rigualdus post mortem meam laxabo a Francherio presbytero, ut reddat eam ad ipsos monachos sanctæ Fidae; et si illam ad eos non reddiderit, fiat excomunicatus de Patrem et Filium et Spiritum Sanctum et de ipsa sancta Fide.