/280/
371. De Rocholes.
1060-1108.
Ugo de Moret filius Bernardi, pro anima sua et pro animabus patris et matris sue, dedit sancto Salvatori et sancte Fidi de Conchis et abbati Stephano et senioribus ejusdem loci tam presentibus quam futuris illum mansum de Rocholes ad alodum et fevum et quantum juste vel injuste ibi visus est habere. Et iste mansus prænominatus donat quartum → Gloss. census→ Gloss. receptum → Gloss. caballariis → Gloss. gentarium → Gloss. multonem → Gloss. ausso → Gloss. quartum et censum: ad kalendas scilicet unum receptum cum v caballariis et in crastinum gentarium et v denariis et uno pane de segel et una gallina et duos sestarios de civata, et in mense madio unum multonem cum ausso et unum agnum, et per messes alium receptum cum v caballariis sine civata, sed tantum garbas de civata dentur caballis et v /281/ denariis et unum panem et quatuor gallos et per taverna quatuor sestarios de segel, et quando evenerit vesticionem de hominibus illis qui mansum tenuerint. Hoc donum fecit postea Austrinus frater ejus, in presentia domni Begonis abbatis et Ademaris sacristae et Bonefaci monachi et vicarioli ejusdem mansi et ipsorum hominum qui eodem manso laborabant.
Et fecit scribere Austrinus censum in presentiæ eorum, videntibus Duranti et Petri et Deusdet Austorgi scriptoribus, regnante Philippo rege. — S. Austrini.