/335/
463. cfr. 462 ← Item de Nova Villa.
1087-1108, mai.
Ego Deusdet filius Poncii dono sancto Salvatori de Conchis et sancte Fidi et abbati Begoni et monachis, pro redemptione anime mee et omnium parentum meorum, illam meam æcclesiam de Nova Villa cum ipso alode, sicut termini signati sunt cum crucibus, hoc sunt terras et ortos cum pratis et omnes mansiones quæ in ipsa villa facta fuerint et justiciam → Gloss. justiciam et vicariam de ipso loco et totum censum et sepulturam et offerentiam et phevum presbiterale; et dono illum boscum de Gipoloncello, sicut termini ostendunt, et gurgum → Gloss. gurgum qui est subtus æcclesiam sancti Johannis. Hoc totum supra scriptum ego Deusdet de Combred filius Poncii dono et dimitto et nullum censum neque servicium ibi retineo, sed post hanc diem monachi de Conchas habeant, teneant et possideant integerrime sino ullo contradicente.
Scripta carta ista in mense madio, feria vi, regnante Philippo rege Francorum. — Signum: Deusdet qui cartam istam firmare rogavit. S. Hectoris de Auzidz. S. Ademari de Noacella. S. Geraldi Petri de Argiag. — Petrus scripsit.