/357/
493. De Lodeva.
Après 1108.
In Dei nomine. Ego Petrus Lutevensis episcopus cum consilio clericorum meorum dono et laudo Deo et sancte Fidis de Conchis atque Bonefatio abbati ejusdem loci monachisque tam præsentibus quam futuris illas domos et curtes cum omnibus pertinentiis suis que Bertrandus cantor scolarum dedit prius sanctæ Fidi, pro redemtione anime sue, cum consilio domni Bernardi antecessoris mei episcopi et clericorum suorum; et ego Amalricus cum filiis meis Alafredo et Petro totum illut quod abeo vel visus sum habere in prædictas domos et curtes et pertinentiis per episcopum Lutevense, cum consilio ejusdem, dono sancto Salvatori et sancte Fidi de Conchis, tali modo ut fiam inde monachus sive in morte sive in vita ad salutem anime meæ; hunc totum honorem suprascriptum dono ego predictus episcopus Deo et sanctæ Fidi ad fevum libere et ingenue pro redemtione anime meæ.
S. abbatis Augerii sancti Salvatoris. S. Petri archidiaconi. S. Ricardi archidiaconi. S. Frotardi sacriste. S. Petri Fulconis et ceterorum. — Facta quarta ista regnante Lodovico rege Francorum.