/364/
506. [De Castelleto.]
1121-1125.
Notum sit omnibus præsentibus et futuris quod Hugo Talabaz et Fulcrendis soror mea et Bovo et Pontius Berardus nepotes mei damus Deo ac sanctæ Fidi, pro remedio animarum nostrarum et parentum nostrorum, quicquid soliti sumus habere in æcclesia sancti Victoris et in omnibus appendiciis ejus. Hanc donationem fecimus in manu Gauzberti prioris de Castelleto et factam sub jurejurando confirmavimus super altare sancti Victoris, tali modo ne amodo → Gloss. amodo aliquam ibi injuriam ultra xii denariorum valentiam faciamus. Quod si fecerimus, statim ut per eum vel per monacos successores ejus amoniti fuerimus, in ipsa villa sancti Victoris in ejus captione → Gloss. captione veniamus et inde non exeamus donec /365/ injuriam, prout valuerit, restituamus. Similiter donationem ego Galdemarus Bermundus de parte mea fatio sub eodem jusjurando. Ego quoque Galdemarus Garpinellus eamdem donationem de parte mea facio firmatam supradicto jusjurando. Ego etiam Johannes Carpinellus, recognoscens jus ac justitiam sanctæ Fidis per diffinitionem domini Humbaldi archiepiscopi et domini Gaucerandi Lingonensis episcopi et domini Berardi Matisconensis episcopi et domini Jossaldi Gabillonensis episcopi et Hugonis Belliloci abbatis et ceterorum qui ibi affuerunt, dono ac dimitto Deo ac sancte Fidi eamdem ecclesiam sicut avunculus meus Andreas prius eam dederat, et totum ab integro quicquid ibi hactenus quesieram, ut ita monachi sanctæ Fidis presentes ac futuri eam in pace amodo sine aliqua mea et meorum contradictione perpetuo teneant. Quam donationem coram testibus factam supradicto jusjurando fideliter confirmavi.
S. Trutberti cantoris. S. Willelmi Bernonis. S. Comarci. S. Ranconis de Roianis. S. Pontii de Faia. S. Willelmi de Furano. S. Asterii Arte Mala.