/365/
508. [De Ecclesia Sancti Cypriani.]
1065-1087, mars.
In nomine Domini. Ego Campio filius Ademari dono sancto /366/ Salvatori et sanctæ Fidi et abbati Stephano et monachis de Conchis tam præsentibus quam futuris illam meam partem de fevo ecclesiastico quam habebam in æcclesia sancti Cypriani vel aliquis homo habet de me; et accepi ab abbate et monachis precium quantum inter nos concordavimus, et de precio illo nichil remansit indebitum. Quod si aliquis ex projenie mea hoc donum calumpniare vel infringere voluerit, non liceat ei facere, et sit maledictus cum Datan et Abiron in infernum.
S. Hugonis. S. Rigaldi. S. Frotardi. S. Bernardi. — Scripta carta ista mense marcio, feria iiii, regnante Phylippo rege. — Ademarus scripsit.