Massaja
Lettere

Vol. 4

/264/

687

Fede di consacrazione episcopale
di monsignore Taurino Cahagne OFMCap. – Escia-Eloi

F. 308r Anno Domini 1875, die vero 14 Februarii, occur[r]ente Dominica prima quadragesimae, nos Fr. Guillelmus Massaja, ex ordine F.F. M.M. Capuccinorum, episcopus Cassiensis et Vicarius Apostolicus ad populos Galla, viso rescripto apostolico dato Romae die XXI Martii anno 1873, receptoque juramento Electi, solemniter in Pontificalibus celebrantes in Sacello domus nostrae Iescha Elohi, consecravimus in Episcopum Adramyttensem, Admodum Reverendum Patrem Taurinum ejusdem ordinis, Ludovicum Hildevertum Cahagne in saeculo dictum, vice praefectum apostolicum, assistentibus ex eodem indulto apostolico, admodum Rev.o Patre Aloysio Gonzaga, missionario apostolico, ejusdem ordinis alumno, nec non Aleka Tekla Sion Sacerdote indigeno: Praefatumque Episcopum, constante Illust. et R.dissimi DD. Felicissimi Cocino, Episcopi Marochiensis renuntiatione, ex altero rescripto, ejusdem diei, ut Coadjutorem nostrum cum jure futurae successionis recognovimus.

Datum Iescha-Eloi in regno Chewa die et anno ut supra

† Fr. Gulielmus Massaja
Ep.us Cassiensis et V. A. ad Galla

F. Aloysius Gonzaga
– a Secretis –