[44 v^o]

/73/ Italiano →
Francese →

[XXIX]

Item de ceco et claudo.

Rursus quidam cęcus et claudus, ut sanitatem reciperet, ante imaginem sancti Marii confessoris pernoctabat. Cujus virtutes, mirifice lateque disperse, a multis populis habentur famosissime. Cumque jam diluculesceret, repentinus ei sopor irruit, visusque est sibi vocem audire dicentis: Vade ad sanctam Fidem. Non enim datum est ut a tua infirmitate nisi per merita illius salvari possis. Hoc responso excitatus eger, illuc qua poterat virtute repere cępit. Cumque pervenisset ad locum, extemplo sanctę martiris dilationisⁱ aliena affuere suffragia. Nam ubi homo in ipsum aditum papilionis sese ingessit, ilico virescentibus venis ac vegetatis nervis, meruit de curvo fieri rectus. Nam et velamento pupillarum disrupto, precedentem sanguinis eruptionem subsequitur lux serenissima, nec ei quiddam sanitatis defuit, cujus membra cęlestis medici dextera pertrectavit.