Liber III

[76 r^o]

[XV]

De eo qui compedibus nexus, sanctam Fidem invocans, illesus evasit.

Sub eodem tempore, adolescens quidam, Stephanus nomine, invadendi causa Cerverium castrum¹ expetierat: expecierat S. expetierat, quod parricidii noxa ei perosum erat. Ad quod priusquam accessisset, juvenem quendam hujus criminis innoxium venantem occupavit, cui propter quodlibet predium in ejus oportunitate situm insidias machinabatur. Unde factum est, ut in eum irruens violenter caperet, nolentemque ei predium illud relinquere captura abduceret. Quem compedibus validis [76 v^o] honustum extra turrim in exedris statuit, cathenamque foris per tabulatum ejectam palo ferreo munivit. Qua in pressura sanctę Fidis opem supplicibus votis efflagitare non desinebat, totumque se ejus pietati et clementie commendabat. Ob quam rem etiam mater ejus ad sanctę martiris propiciatorium devota adiit, deque nati captura gloriosas reliquias sollicitas reddidit. Nocte quadam per somnum monitus dum de salute sua estuaret, ecce juxta se ligneam serram conspicit, cujus pedale pessulum extrahens, per foramen ubi catena figebatur intorsit, crebroque ejus agitatu palum ferreum ab anulo in quo herebat decussit. Sicque catena a pariete exsoluta, secum anxius pertractare /155/ cepit, quomodo a tanta altitudine arcis evadere possit. Super enim Caucasam rupem turris illa sita erat, sub qua immane precipitium dehiscens, mortis periculum deorsum aspicientibus intentabat. Sed veluti poeta refert: Una salus victis nullam sperare salutem, ut et hostium perpendit insidias et precipitii ruinam, maluit se sua sponte perdere, quam insidiatorum pressuras diu tolerare. Inter spem ergo et metum positus, dum se precipitem deorsum dare vellet, vidit ducis balistas pariete dependentes, quarum funes diripiens et simul connectens, posti exedrae inhesit, et ita se precipitem per hunc filum dedit. Summa tamen hujus resticuli ad medium nec perveniebat descensionis. Ut autem ad summam usque delapsus est, sanctę Fidis confisus juvamine, patenti se dejecit ruinę. Strepitu itaque compedum excitati custodes, captum aufugere conclamant unanimes. Et quia ille vinculis nondum erat solutus, propter illucescentem aurorę splendorem sub fasciculo sarmenti ibidem congesti delituit, nec etiam, Domino protegente, ab omni forensi multitudine potuit inveniri. Querebatur enim ab omni rustica et castrensi multitudine, quę ad mercimonia exequenda convenerat illo die, et a nullo poterat reperiri, Deo occultante. Peracto ergo die, per obscura noctis nubila fugam petiit, atque ad rus quoddam perveniens, securi compedes dissolvit, atque ita ad propria liber rediit. Brevi vero intervallo eadem [77 r^o] vincula ad sanctę martiris basilicam advehens, rem hactenus litterulis subnotatam nobis exposuit, sacraque vigiliarum sollempnia ante ejus gloriosę liberatricis mausoleum peragens, immensas: inmensas S. immensas Deo et sanctę Fidi gratiarum actiones devotus frequentavit.

Torna su ↑

[Note a p. 154]

[XV]. S. Torna al testo ↑

1. Cerverium castrum, Cervières, aujourd’hui Servières, était un château fort construit sur un rocher escarpé, auprès de Villecomtal (commune du canton d’Estaing, arrond^t d’Espalion, Aveyron), sur l’emplacement d’une station gallo-romaine. Ce château était mentionné dans divers actes des archives de Conques du ix^e et du x^e siècle (Bosc, Mém. p. 318). Il figure dans le testament du comte Raymond II, qui le legua à son fils Raymond III (id. p. 405). Des comtes de Rouergue, le château passa plus tard aux comtes de Rodez, puis en 1323, à la maison de Cervières. Il n’en reste aujourd’hui que quelques ruines. Servières était jadis un chef-lieu de paroisse comprenant les hameaux qui entourent maintenant le lieu de Villecomtal. L’un de ces hameaux, Saint-Michel de Lufau, possédait une église (Pouillé de 1510) et un cimetière dont on trouve des traces. Villecomtal, fondé à la fin du xiii^e siècle par les comtes de Rodez, sur les bords du Dourdou, devint à son tour le chef-lieu de la paroisse dont Servières ne fut plus que l’annexe. Torna al testo ↑