/15/
13. Æcclesia de Becia.
1061-1065, juillet.
Loco sacro sanctæ Dei æcclesiæ Conchacensis monasterii qui est situs in pago Rotenico, super alveum Dordonis, et est consecratus in honore et reverentia domini nostri Jhesu Christi et salvatoris Dei et sanctæ Mariæ matris ejus et beati Petri principis apostolorum, in quo beatissima virgo et martir Fides requiescit necnon et beatissimus martir Vincentius vel aliorum sanctorum continentur reliquiae. Idcirco ego Raiemundus et uxor mea /16/ Aldiardis donamus nos ad locum supradictum, ubi nunc venerabilis vir Odolricus abba præesse videtur sub cujus regimine cuncta cogregatio monachorum degens Deo sedulæ ac regulæ egregii patris Benedicti famulare videtur, propter reverentiam sanctitatis illius loci et pro animabus nostris seu parentum nostrorum, ut exinde nobis merces adcrescat, donamus æcclesiam nostram quæ Bezcia vocatur sancto Salvatori et sancta Fidi et monachis ejusdem supradicti loci ad alodem. Et est ipsa ecclesia sita in pago Rutenico super fluvium quod dicitur Alsanzca. Donamus etiam in ipsa æcclesia x solidos de mudda → Gloss. receptos → Gloss. mudda et quinque mansos ad alodum, et in manso qui est juxta æcclesia duos receptos, et totum cimiterium foris parrochiae, et totum burgum qui ibi est et erit et quantum infra burgum est et fuerit. Ego itaque Guirfredus et frater meus Guago donamus decimum de istis quinque mansis supra scriptis de toto burgo qui est et qui erit totum et ab integrum sancto Salvatori et sanctæ Fidei et monachis ibidem morantibus, pro animabus nostris et parentum nostrorum. Ista omnia, sicut supra nominata sunt, totum et abintegrum cedimus vel donamus sancto Salvatori et sanctæ Fidei et mochis ejusdem loci, ut ipsi teneant et possideant jure perpetuo, in tali convenientia ut, si quis istum alodum de communia → Gloss. communia monachorum tulerit, veniat Raimundus aut unus ex filiis suis vel propinquis et tamdiu illum teneant ut, si fieri potest, faciant eum tenere in communia monachorum monasterii Conchacensis.
Facta carta donatione ista in mense julio, feria vii, regnante Philippo rege. — S. Raiemundi et uxoris ejus Aldiardis qui hanc cartam vel donationem istam scribere vel firmare rogaverint. S. Guirfredi. S. Guagonis. S. Rainonis. S. Hugonis. S. Amblardi. S. Froterii. — Bertrandus monachus scripsit.