Desjardins

/25/

20. Item de Palacio.

1078, 27 juin.

Anno ab incarnatione Domini millesimo septuagesimo octavo, Stephanus abba Conchacensium venit in partibus Gothiae, et fecit querimoniam Raimundi Ruthenensium comiti et Biterrensium /26/ vice comitisse Hermengardi de malis usis et consuetudinibus quas Bermundus Agathensis babebat vel requirebat in honore sancti Salvatoris et sanctæ Fidis qui vocatur Palacium. Propter hanc causam prædictus abbas et Bermundus multos placitos habuerunt, sed nullam concordiam facere potuerunt. Ad ultimum in juditio Matfredi Biterrensis episcopi et Frotardi abbatis Sancti Poncii et Guitardi Lupi aliorumque nohilium virorum venerunt; et Bermundus facere noluit quod judicaverunt. Quamobrem supradictus comes, cognita injusticia quam Bermundus faciebat, cuncta ei abstulit quæ in supra scripto honore possidebat, mansiones illius destruxit et de omni honore abbati potestatem dedit. Ego vero Petrus, illius Bermundi filius, in justiciam quam pater meus faciebat recognoscens honoremque ex toto perdere metuens, cum consilio comitis et vicecomitissimæ sic vicecomitissimæ meorumque amicorum, quod pater meus injuste possederat dereliqui et hanc cartam taliter scribere jussi: Ego Petrus Bermundus dimitto et perpetualiter derelinquo sancto Salvatori de Conchas et sanctæ Fidi et abbati Stephano cunctisque suis successoribus illos malos usus et apprehensiones et tortos quos pater meus habuit vel aliquis homo per illum in villa de Palatio et in cunctis finibus et terminis ejus. Similiter dimitto et perpetualiter derelinquo medietatem de ausedaz, placitis → Gloss. justiciis → Gloss. vesticionibus → Gloss. spatulis → Gloss. et medietatem de placitis et de justiciis, et medietatem de vesticionibus, et medietatem de spatulis et de agnis, et totum molendinum, et mansiones et curtes, et ingressus et exitus, et medietatem de furno et insuper fornaticum de pane monachorum. Per hanc vero dimissionem sive guirpicionem → Gloss. guirpicionem accipio de abbate quingentos solidos Biterrenses, et in supra scripto honore de Palacio nichil retineo vel in cunctis finibus et terminis ejus, præter talem vicariam qualem de manu prænominati abbatis Stephani accipio, scilicet medietatem aliam de placitis et de vesticionibus hominum illorum qui stabunt in vicariam meam. De placitis vero et justiciis et vesticionibus illorum hominum qui non sunt de mea vicaria, hoc est de clericis et de hominibus propriis monacorum, et de illis qui stabunt in dominicis mansionibus eorum et in cimiterio et in illis locis qui, transhacto tempore, sine vicario fuerunt sanctæ Fidi in dominio, nullam partem habebo. Accipio igitur de manu prædicti abbatis illam apendariam quæ /27/ est vicarialis et alia medietatem de ausedaz et de furno, et aliam medietatem de agnis et de spatulis, et in unoquoque vicariale manso unum receptum cum quatuor militibus et uno serviente. Hæc omnia supra scripta non possum dare nec inpignorare nec commutare nec vendere, nisi monachis sanctæ Fidis de Conchas. Similiter ipsi monachi hanc guirpicionem quam illis facio nec poterunt dare nec inpignorare nec vendere nisi filiis meis filiisque filiorum meorum¹.... sine filiis legitimis de uxore mortui fuerint, totum sancte Fidi remaneat in dominio. Per hanc ergo prenominatam vicariam quam de manu abbatis accipio sum homo illius et juro illi fidelitatem et facio illi firmitatem per meam fidem quod placitos et guirpiciones et convenientias quas illi facio firmiter teneam et contra cunctos qui predictum honorem de Palatio inquietare vel perturbare voluerint illi secundum meum posse adjutorium faciam. Similiter si filius meus natus legitime de uxore predictam vicariam habere voluerint, eam de manu Conchacensis abbatis accipiant, et quos placitos prenominato abbati facio tales suis successoribus gratis faciant. Quod si ullus homo vel femina seu aliquis de progeniæ mea hanc guirpicionem vel dimissionem repetere aut perturbare vel infringere voluerit, non valeat vindicare quod requirit, sed insuper v libras auri purissimi componat et deincebs firma et stabilis hæc donatio vel guirpicio permaneat.

Scripta vel firmata dimissio vel guirpicio ista v kalendas julii, feria v, regnante Phylippo Francorum rege. — S. Petri Bermundi quihanc cartam firmavit vel firmare rogavit. S. Rajembaldi monachi, prioris sancti Andreæ. S. Sigerii Salomonis. S. Poncii Guarnerii. S. Deusdet Adaolfi. S. Willelmi Salomonis. S. Poncii de Gellis. S. Begonis de Conchas. S. Begoni de Gombred. S. Petri Geraldi. S. Rollandi. — Durandus scripsit.