/36/
31. Æcclesia de Pomario.
1031-1062.
Ego Hugo sacerdos et Geraldus frater meus donamus sancto Salvatori et sanctæ Fidei et abbati Odolrico duos mansos in illa Beciaria ad alodum qui nobis per originem parentorum venerant. Post hæc concordavimus concambium cum ipso abbate inter nos, et dedimus ego et ipse abba istos duos mansos Geraldo fratri meo ad feuvum in concambio per parragines → Gloss. parragines de Pomario. Propterea ego Hugo sacerdos, cum consilio fratris mei Geraldi, omnem meam partem de illo honore quem habeo dimitto et dono sancto Salvatori et sanctæ Fidei de Conchas et abbati Odalrico et monachis, hoc est ecclesia de Pomario cum ipso fevo et vinea de Blos Monte et vinea de Roca Cava per quam Saluster avunculus meus et alter Saluster nepus meus monachi missi fuerunt in Conchas. Dono etiam in vita et in morte mea omnem substanciam quam habeo et in antea adquisiero. Haec concordia et placitum facta sunt coram abbate Odalrico, presentibus Ademaro monacho et Hugone de Conchas et fratrem ejus et Umberto et ipse fratre meo Geraldo.