/36/
32. Æcclesia de sancto Jorio.
1031-1060, septembre.
Dum fragilitas humani generis pertimescit ultimum vite subitaneum transposicionum instantis venturum diem, oportet ut non /37/ inveniat unumquemquae imperitum ne sine alico boni operis fructum migret de sæculo, sed dum in suo jure et potestate consistit, præparet sibi viam salutis per quam valeat ad æternam beatitudinem pervenire. Quamobrem ego, in Dei nomine, Austrinus et uxor mea nomine Avierna et filii mei Bernardus et Arnaldus cedimus et donamus sancto Salvatori et sanctæ Fidei et sancto Vincentio et sanctis reliquiis quæ ibidem conditae videntur et monachi ibidem Deo famulantibus in monasterio Conchas, ubi Odolricus abbas præesse videtur, aliquid de rebus proprietatis nostræ quæ nobis justissime per originem parentorum obveniunt, et sunt citas in pago Ruthenico, in ministeri qui = vicaria → Gloss. multones → Gloss. ministeri Calvomontense, in villa Najacio, hi sunt vi mansi cum boscos et vineas et porcos et multones et cum quantum ad ipsos mansos aspicere videtur et cum.... de civada. Et in alio loco, in vicaria Betonense, donamus illum mansum de Pers, ubi Salomon visus est manere, cum quantum ad ipsum mansum pertinere videtur; et in alio loco ad æcclesiam sancti Jorii mansum i per quæm ego dedi Geraldo Trencardo ad fevum concambium vineas de Botongle. Et donamus terciam partem de ecclesia de Rossino et de totum ipsum alodem et mansum de Mejanas Mansiones et manso de Fumoso et partem nostram de aqua Olte et de Nociolo et Plana Roca et totum alodem quantum ibi visi sumus abere totum donamus. Et donamus comandam → Gloss. comandam de Balvilar, solidos ii, et partem nostram de manso de Beceria et de Andaliaco. Totum alodem istum suprascriptum cedimus et donamus sancti Salvatori de Conchas et sancte Fidei et monachos ejusdem loci. Et post mortem filiorum meorum Bernardi et Arnaldi, dono sancti Salvatori et sanctæ Fidei ad alodem terciam partem de ecclesia de Jermolio alodem et fevum, et similiter mansum Aimoni, et mansum in Palairedo, et ii..... in Ruvo, et alium in Roga, et alium in Noicio, et alium in Vaure, et alodem de Altomonte qui est in pago Arvernico, et in ipso Altomonte dono semper xii denarios et omni tempore per vesticione. Sane si quis ego, inmutata voluntate mea, aut ullus de heredibus aut propinquis parentibus contra hanc cartam donationis ullam calumpniam movere voluerint, hæc eis non liceat sed faciant quod lex est.
Facta carta ista donationis feria ii, in mense septembrio, /38/ regnante Enhenrico rege. — S. Austrino qui cartam istam scribere jussit. S. Bernardi. S. Frotardi. S. Geraldi. S. Petri Hugoni. S. Frotardi. — Odalricus monacus scripsit.