/50/
49. Æcclesia de Callia.
1065-1087.
In nomine sanctæ et individuae Trinitatis. Nos tres fratres, Bertrannus, Gosbertus Willelmus, filii ut dicitur Willelmi Miscemalum, damus æcclesiam nostram in honore sancti Martini, sitam in episcopatu Agennensi, quæ est fundata inter castrum Penna et æcclesiam sanctæ Fidis quæ dicitur Callia, sancto Salvatori et sanctæ Fidi de Conchis, et abbati Stephano et monachis presentibus et futuris, ad alodum, scilicet totum phevum presbyterale, sicuti unquam melius quispiam presbyter tenuit; et si quid de phevo a æcclesiæ supra dictæ defraudatum est potestate vel fraude alicujus personse, convenimus ut facimus tenere monachis sanctæ Fidis, sine ulla controversia, quantum ipsi perciperint vel aliquis juste eis testificatus fuerit, ob remedium animarum /51/ nostrarum et patris et matris nostræ. Ego vero Titbaldi uxor et infantes mei, mariti mei absolutione peccatorum qui morte subitanea necatus est, similiter dono supra dictam ecclesiam sancto Salvatori et sanctæ Fidei.
S. Willelmi Raimundi. S. Arnaldi Bernardi. S. Rotberti Podii. — Durannus scripsit.