/49/
48. Æcclesia dell’Areriis.
987-993, mai.
Locum sacrum sanctæ Dei æcclesiæ qui est situs in pago Ruthenico super alveum Dordonis, et est fundatus in honore domini nostri Jhesu Christi seu sanctæ Mariæ virginis et sancti Petri principis apostolorum, ubi sanctus Vincentius et sancta Fides tumulati consistunt. Nos enim fratres Aicio et Grimardus /50/ Radulfus qui fuerunt filii Rigualdi et Clericiane nos enim cedimus vel donamus illa æcclesia dell’Arerias, tres partes, cum terras et mansis et vineis, cum boscos, et quantum ad æcclesiam aspicit vel aspicere videretur. Illas tres partes cedimus vel donamus in Conchas monasterii sancti Salvatoris et sancta Fidei martiris, pro animas nostras et pro animas patrem et matrem nostram et pro animas omnium fidelium defunctorum, in tale racione que, si ullus homo tollere voluerit de communia, veniant monachi de Aureliaco et donent quatuor denarios et accipiant illam ecclesiam. In tale ratione donamus ecclesiam nostram sancti Salvatoris et sancta Fide vel ad ejusdem rectores, ut post hodiernum diem teneatis, possideatis sane sine ullo contradicente. Si quis nos, inmutatas voluntates nostras, aut ullus de heredibus nostris aut ullus de propinquis nostris aut ulla amissa persona qui contra carta donatione ista ire aut egere aut inquietare voluerit, hoc eis non liceat facere, sed faciunt quod lex est, et insuper componat c libras argenti.
Facta donatione ista in die sabbato, in mense madio, Deo regnante et rege sperante. — S. Aicio. S. Grimardo. S. Rodulfo. S. Francone. S. Bernardo. S. Rigaldo de Ussello, S. Girberto. S. alio Grimardo. — Saluster rogatus scripsit.