/70/
75. Æcclesia de Quolias.
1073-1087.
In nomine domini nostri Jhesu Christi. Ego Atto Raimundus et Petrus Raimundus donamus sancto Salvatori de Conchis et sanctæ Fidi, et abbati Stephano et monachis qui in eodem Conchensi monasterio sunt et futuri sunt medietatem de æcclesia sancti Andreæ de Quolias, totam illam medietatem de altario et de decimis → Gloss. decimis et de primiciis et de cimiteriis et de oblationibus, hoc totum damus ad alodium quantum ad nos pertinet, pro amore Dei et pro anima Raimundi Attonis et Argentellæ et Ati Raimundi et Bernardi et Petri et ceteris parentibus nostris ut monachi sanctæ Fidis medietatem illius æcclesiæ faciant et ea secundum posse illius decantent, si pro excomunicatione episcoporum non remanet. Ut hoc donum sit firmum et stabile, fidem fecit Ademaro monacho sanctæ Fidis Raimundus, Arnaldus et Willelmus et abbas sancti Fregiulfi. Et qui hoc donum destruere voluerit habeat partem cum Datan et Abiron in infernum. Amen. Ad istam ecclesiam decantandam si monachus sanctæ Fidis ibi non manserit, debent monachi sancte Fidis presbyterum unde voluerint adducere et donatoribus suprascriptis et aliis parrochianis demonstrare, et illi debent eum recipere et pro alico malos ingenio non debent eum refutare; et si eum pro malo ingenio refutaverint, monachi sanctæ Fidis non debent pro illis dimittere. Similiter ego Ato Raimundus et Bernardus et Petrus medietatem de ipsa villa de Quolias donamus sanctæ Fidi de Conchis ad /71/ alodium, sicut nos ibi eam habemus et sicut ibi cruces fixe sunt, preter molinum de intus vallato et de vallato inforas. De toto illo honore medietatem quam ibi habemus vel homo vel femina per nos ibi habet donamus totam medietatem de servicio et de censo et de justiciam → Gloss. justicia, ut monachi sanctæ Fidis ibi constituant salvetatem. Et si aliquis homo eandem salvetatem fregerit, non perdant per hoc monachi sancte Fidis istum donum et acaptamentum. Et si sancta Fides alodium ibi acaptaverit per convenientiam de salvedad, sit in ipsa convenientia et ibi mittant cruces. Si vero monachi sanctæ Fidis donatoribus istis forfactum fecerint vel donatores monachis, per laudem bonorum virorum sibi invicem emendent, sed nullus alio legem donet.
S. donatoris Attonis et Bernardi et Petri. S. Willelmi Tolosani comitis. S. Isarni episcopi Tolosani. S. Dodonis de Samatan. S. Ademari monachi sanctæ Fidis. — De medietate istius ecclesiæ quam donatores suprascripti sibi retinuerunt postea sanctæ Fidi quartam partem dederunt in manu Ademari monachi sanctæ Fidis. — Bego scripsit.