/134/
151. Mespolarios.
963, mars.
Locum sacrum sancta Dei æcclesiæ qui est constructus in honore domini nostri Jhesu Christi, hubi sancta Fides et sanctus Vincencius tumulati consistunt. Venit jam prædicta femina Senegundis, dedit pro anima filii sui Aldoini ad ipsa casa Dei jam supradicta quatuor mansos et una apendaria. Et sunt ipsi mansi in vicaria Roceznacense, in villa cujus vocabulum est Mespolarios; et venerunt michi isti mansi per conquistum → Gloss. conquistum. Et quamdiu ego vivo, husum et fructum recipiam, et post obitum meum sancti Salvatoris remaneat; et per singulos annos recipiant annona→ Gloss. vestidura de annona quatuor sestarios. Totum quantum ad ipsos mansos pertinet totum remaneat sancti Salvatoris cum curtes et ortos, cum exeos et regressos, cum pratis et bosco; et visus manere in ipsos mansos Gauzbertus et Jatbertus, Geraldus et Aldebertus; in ea vero racione ut in comunia illos teneat. Et si ad ullum hominem volunt dare aut vendere, veniant fratres Aldoini et recipiant illos, sine ullo contradicente in omnibus sane, ut post hodiernum diem neque Senegundis neque ullus ex filiis suis aut ulla amissa persona inquietare voluerit, hoc ei non liceat facere, sed faciat sicut lex est.
/135/ Facta carta donacione ista die sabbato, in mense marcio, anno nono regnante Lothario rege. — S. Senegundis qui carta cessione ista scribere vel adfirmare rogavit. S. Umberto, Frotardo vel Escafredo. S. Rigualdo etOdalrico vel Abono. — In Dei nomen, Rotbertus rogitus scripsit.