/143/
164. De Clauniago et de Graisago et de Concha.
997-1031, avril.
Locum sacrum sancta Dei æcclesia qui est situs in pago Ruthenico super alveum Dordonis, et est fundatus in honore domini nostri Jhesu Christi seu et sanctæ Mariæ virginis et sancti Petri principis apostolorum necnon et clavigeri, ubi sanctus Vincencius et sancta Fides tumulati consistunt. Quamobrem ego, in Dei nomen, Bego et fratres sui Deusdet et Hugo et Petro et Rigualdus donamus ad fratrem nostrum Aicardo unum mansum nostrum in Clauniago, et in ipso loco caput mansum in Graisiago, /144/ cum terras cultas et incultas, cum silvis, garricis → Gloss. garricis, aquis, aquarum vias decursibus, totum et ab integrum donamus ad ipsa casa Dei; et in alio loco, in vicaria Serniacense, in loco que dicitur ad illa Concha, ubi Hugo visus est manere, et vineas que Deusdet tenit ad ipsa Concha. Et habet ipse alodus fines: de uno latus terra Abono, et de alio latus terra Petrono, et de duos latus terra ad ipsos donatores. Quantum infra istas fines concluditur, totum et abintegrum nos donamus ad ipsa casa Dei; et post hunc diem habeatis, teneatis, possideatis et quicquid facere volueritis faciatis sane. Si quis nos, inmutatas voluntates nostras, aut ullus de heredibus vel propinquis nostris aut ulla amissa persona qui contra alode jam suprascripto ulla calumpnia jenerare præsumpserit, hoc ei non liceat facere, sed faciat quod lex est, sed præsens auctoritas ista firma et stabilis permaneat cum omni stibulacione subnixa.
Facta carta donacione ista sub die mercoris, in mense aprilio, regnante Rodberto rege. — S. Begono et fratres suos, qui carta ista scriberæ vel adfirmare rogaverunt. S. Deusdet, Gauzfredo, Airado et Frotardi. — Salustrius scripsit.